《AH佛真· 惜玩》嘉賓謝安琪 Kay:「最隨心嫁左俾張繼聰」

娛樂小仙子 於 25/08/2021 發表 收藏文章
琴日播出嘅《AH佛真· 惜玩》嘉賓係許廷鏗入行以黎最好嘅朋友謝安琪(Kay)。Kay喺節目話而家已經係半退休狀態,好開心終於出嚟做嘢!
節目一開始謝安琪同許廷鏗坐低輕鬆傾吓計。許廷鏗叫Kay講吓最隨心係做咗啲咩事情!Kay話呢一世人由細到大都係屋企人幫手安排決定,連頭髮嘅髮型都係。最隨心嘅事就係嫁左俾張繼聰,邊日得閒就邊日生仔。許廷鏗就話自己做咩都係會有預計,自己報名去牙醫課程就預咗做醫生。大家嘅共通點就係,即興參加唱歌比賽,Kay仲要係喺比賽當日經過海報位置臨時決定今晚就要唱歌,清唱孫燕姿嘅一首歌曲。
loading

節目重點就係Kay同許廷鏗隨心寫書法環節,Kay分享自己其實好鍾意許廷鏗,覺得佢個人好真實感情好深厚,大家發生啲咩事都會互相鼓勵!最後Kay用毛筆寫咗一個字俾許廷鏗「念」,佢話「念」係代表人口心好重要,做人一定要順應着當下的心情隨心去享受每一刻。而許廷鏗都寫咗一個「我」俾Kay,同佢講話做人一定要先諗自己,唔好成日掛住為人設想。《AH佛真· 惜玩》其實呢個節目都幾有意思,例如較早前林欣彤分享自己患上憂鬱症點樣走番,夏蕙BB要為慈善出一分力,到今集Kay話俾大家聽做人要隨心享受每一刻。每一集都會傳遞唔同嘅正面訊息比觀眾!

留言


請按此登錄後留言。未成為會員? 立即註冊
    快捷鍵:←
    快捷鍵:→