阿儀歌影視三棲發展 最新搞作千名網民熱烈回應

最近人氣爆燈話題十足嘅落選亞姐薛影儀(阿儀)自從同亞視簽約之後，工作冇停手。琴日阿儀去咗荔枝角嘅一棟商業大廈出席網上直播活動。網上直播節目《婆仔掃貨團》呢個節目主持係莊思敏同Wendy Lai，已經主持左接近一年時間，今次邀請咗阿儀做嘉賓，阿儀嘅知名度令到大家再關注呢個節目！
阿儀首次挑戰帶貨主持呢一個任務，竟然完全唔怯場，表現得好輕鬆自在！喺呢一個幾鐘嘅直播節目，竟然吸引超過1300幾位網民留言熱烈回應「唔難啊儀」「阿儀做幕前要主動啲呀,唔好咁怕醜啦,加油呀！」阿儀而家嘅個人社交平台Instagram已經擁有接近三萬六千追蹤者。
阿儀較早前出席左一個網上直播音樂會已經吸引好多人關注同留意，經過今次直播帶貨之後應該會有更加多嘅廠商因為阿儀嘅知名度再邀請佢出席，呢一排阿儀可以話係認真犀利，無處不在！