姜濤深夜IG限動12連發 悼念摯友 送給你的「Dear my friend 」

娛樂小仙子 於 05/08/2021 發表 收藏文章
Mirror成員人氣旺代表姜濤,出名孝順又乖仔,重兄弟情,工作賣命全力以赴。眾所周知,姜濤最大的興趣就是打籃球,經常相約打球。
loading

姜濤昨夜在個人社交平台Instagram發佈貼文,圖文並茂,並寫上送給你的。姜濤所發佈的貼文,隨即收到圈中好友林奕匡丶馬天佑留言送上愛心,以及接近5000粉絲留言打氣。粉絲在留言區寫上「未聽已想喊」「他一定會聽見的」「期待已久的新歌」。

相隔數小時過後,姜濤在深夜時份用IG的限時動態功能12連發。
姜濤隨即在限時動態標記自己的一位好友寫上,「嘿白痴仔」,接着寫上「頭先監製send咗send咗 八胎final version俾我 你聽唔聽到?」「我盡咗力㗎啦 以前你成日覺得我d歌一般 呢尼隻你滿意啦」。

「之前去搵左你家姐了 佢同我講 你爸爸媽媽身體冇也太大問題 雖然仲未肯見我哋 但係你放心有時間我一定會再去探佢哋」。
「最近因為你唔喺度 而家打波變咗我打中鋒 原來你以前嘅位置真係好攰 以前應該成日賴你搶唔到籃板」「你喺嗰邊搵到女朋友未呀 30幾歲人都仲未拍過拖 丟架到」。
「頭先先發現原來WhatsApp已經搵你唔到 以前嘅對話紀錄冇晒 不過好彩啲相仲喺度 同你大部份傾偈都係當面」。
「MV琴日通宵都拍完啦 我今次搵嘅導演拍野拍得好好 一定整到你好靚仔 你睇吓為咗你拍完MV之後直踩30幾個鐘冇瞓過」。
「希望MV出街之後可以親自去你屋企嗰度比佢哋睇 你放心我之後一定會定期去探佢哋 我都同佢哋講話以後有咩幫手即管開口 我同佔士一定會盡力幫」
「最近呢真係有啲攰 可能係同身邊嘅人相處得唔係太好 可能係外間成日攞我啲嘢去講 可能係對之後要做嘅嘢冇太大信心 不過好彩佔士都成日陪我 同埋我最近都搵返黃泉佢哋 總算覺得私底下多番啲朋友啦」「呢隻歌 我唔需要有咩太好嘅成績 啲人喺下面評論啲咩啊都唔緊要 最緊要嘅 係呢隻歌你聽到睇到就得啦」
姜濤在限時動態最後一張發佈的照片,跟IG所標記好友一起吃拉麵,並寫上「疫情完咗之後呢 我就搵其他人一齊去旅行㗎啦 你嗰邊 等我老咗再過嚟等我呀」
姜濤如此坦蕩表達自己的心聲,相信大家會再度關注姜濤在工作的作息,待人處事的感受,以及留意新歌mv「Dear my friend 」的誕生,見證姜濤重兄弟情義的一面!

如果喜歡我們的文章,請即分享到︰

標籤: 姜濤  Mirror  新歌  

留言


請按此登錄後留言。未成為會員? 立即註冊
    快捷鍵:←
    快捷鍵:→