七師傅敷面膜開直播 現場大爆轉運新招式

娛樂小仙子 於 28/08/2021 發表 收藏文章
七師傅最近主持嘅ViuTV節目「七救星」大受歡迎。琴日夜晚「七救星」 主持班底同最近爆紅組合P1X3L 一齊開直播live,吸引咗幾千名觀眾入嚟收睇。究竟七師傅係live嗰度又講咗啲乜嘢搞到啲人半夜都唔捨得瞓覺呢!出席直播名單如下:七仙羽、陳安立、王頌茵 、吳啟洋、歐鎮灝、葉振弘直播節目一開始就見到七師傅,竟然敷面膜開直播,佢仲好搞笑咁話咁樣先唔使化妝,所以全程都會敷面膜。敷面膜嗰陣時就唔會笑,如果唔係就浪費咗塊面膜。
七師傅之前喺節目「七救星」幫過P1X3L呢一個組合改團體名,而家就喺直播嗰度分配團員每一個人嘅名到底叫乜嘢好!結果七師傅就用佢自己一貫嘅邏輯分析,話如果有黑眼圈嘅成員想改善,就應該要曬黑,人哋就會完全睇唔出你有黑眼圈。七師傅仲話之前吳啟洋上緊節目玩左一個環節下體完全被水槍噴濕,七師傅話其實佢都係一個中醫師要親自幫調理一下。七師傅講到明P1X3L會紅到似Mirro同Error一樣將來會一齊開演唱會,自己都話想同佢哋唱番一首合唱歌。
七師傅話員工最緊要學識嘅一樣嘢就係要擦鞋,一定要經常同老闆講一啲讚美嘅說話,稱讚嘅說話人人都鍾意聽。至於點樣賺錢,就係長期銀包袋住七師傅張Yes卡,包保有好運。除此之外,七師傅教你如何化小人。化小人就係要更加愛憎恨你的人,選擇寬恕別人寬恕自己,每個人睇嘢嘅角度都唔同,所以唔使去灣仔鵝頸橋嗰度打小人啦!因為打小人係要俾錢。至於改財運方面,七師傅話食多啲香蕉同西蘭花可以改財運。最後仲話,之前網上好流傳佢講過嘅「難念的經」,其實每個人都有佢內心嘅想法同壓抑嘅事,最終都係要透過自己走出嚟,睇多幾次節目笑吓,問題就自然會解決。
loading

七師傅主持嘅「七救星」呢一個節目其實已經播左差唔多有10集,每一集其實師傅都會比唔同嘉賓挑戰一下自己覺得做唔到嘅事情,搞笑去面對自己嘅人生,俾咗好多信心嘉賓去嘗試同埋傳遞歡樂嘅感覺被觀眾娛樂一下。聽講下個禮拜有一集KB係錄影現場唔聽話令到七師傅發脾氣,究竟係咩事令到脾氣好嘅七師傅咁憤怒,大家密切留意關注一下!

如果喜歡我們的文章,請即分享到︰

標籤: 七師傅  七救星  P1X3L  

留言


請按此登錄後留言。未成為會員? 立即註冊
    快捷鍵:←
    快捷鍵:→