小弟之前都寫咗幾篇文講自己追日本偶像嘅心路歷程，有興趣嘅朋友可以睇一睇，傳送門喺呢度：【偶像宅的心路歷程】成為了日本偶像飯(三)
https://ent.fanpiece.com/m/dayin46/c1381791.html
前幾篇入面都提起過差唔多三四年前，小弟入咗日本偶像坑。其實一直以來我都好鍾意聽歌，喺飯偶像嘅呢幾年我大大話話都聽咗幾百首佢哋嘅歌，當中有唔少幾好聽之餘亦都令我好深刻，今次就希望同各位分享一下當中最最最最難忘嘅十首。(帶定頭盔先，十首排名冇分別先後，因為小弟係乃團飯，當中乃木坂嘅歌會比較多，講嘅嘢亦都可能會有啲主觀，希望各位多多包涵。)
1. AKB48 ── 365日の紙飛行機
可以話係呢首歌帶咗我入偶像圈。小弟由細到大都好鍾意煲劇，特別係日劇，話說有一排特別鐘意煲晨間劇，每集得三四個字有成百幾集嗰啲，嗰陣時煲到一套叫阿淺來了(あさが来た)，劇就真係幾好睇，而主題曲就係呢首歌。當時我對AKB完全係0認識，更何況係日本偶像飯圈，呢首歌可以話打開咗新大門，帶咗我入呢個新世界。
呢首歌嘅旋律好輕鬆柔和，歌詞亦都好充滿希望，everything quite well！呢首歌都可以算係近幾年AKB比較出名嘅一首(其實自まゆゆ(渡辺麻友)畢業左之後我聽少咗好多AKB)，當時其實好似未試過搵女團唱晨間劇嘅歌，當年亦都上紅白唱過。另外其實仲有山本彩彩姐結他Solo嘅版本，編曲改咗少少，彩姐把聲係正嘅，感覺亦都幾唔同。
2. 乃木坂AKB ── 混ざり合うもの
係小弟最常聽嘅幾首之一，Ummmmm...其實呢首歌今日睇返個MV真係有啲特別，不過係帶我由AKB轉會去乃團嘅契機，可以話係我第一首聽嘅乃木坂歌曲(私心：まいやん(白石麻衣)MV入面顏值爆燈⋯)。歌詞對我嚟講冇乜太大嘅特別感覺，旋律係幾上腦。
呢首歌最勁嘅地方係個選拔陣容真係可以話位位大top，有今生冇來世，AKB入面有小嶋陽菜，宮脇咲良，松井珠理奈等等，乃團除咗まいやん之外，仲有なぁちゃん西野七瀬，聖母深川麻衣等等，差唔多個個都係C位嘅人選，亦都開創左之後嘅坂道AKB系列，差唔多一年一首，之後幾首都幾好聽，不過始終因為係幾隊人嘅合唱歌，之後嘅live都好少會表演。(P.S.呢首歌收錄左喺AKB第43隻單曲：君はメロディー入面，而AKB呢隻單曲亦都好難得可以搵返之前畢咗業嘅神七成員(板野友美、前田敦子、篠田麻里子、大島優子)，神七全員合體再表演)
3. 乃木坂46 ── サヨナラの意味
小弟心目中嘅神曲之一。乃團嘅第16隻單曲，正正就係我啱啱開始飯乃團嘅時候出嘅歌，當日乃團飯喺全部歌入面票選嘅no.1。C位係橋本奈々未(ななみん)，乃木坂御三家之一(另外兩個係まいやん同埋蘋果松村沙友理)，呢次係佢第一次C位，亦都係佢引退之前最後一隻單曲。(佢可以話係一個充滿故事嘅人物，有機會再同大家介紹一下。)
呢首歌嘅音樂真係正(恕小弟詞窮，諗唔到第二個形容詞)，MV好好睇亦充滿故事性(其實以前乃團啲MV好多都有故事劇情，個人最鍾意7單嗰幾隻MV，而家嗰啲MV相對上重表表達舞蹈嘅美感，風格有少少唔同咗)，拍攝嘅時候好似打風，呢個天氣環境下拍MV反而造就出同首歌非常合襯，一種絕妙嘅觀感，歌詞喺呢首歌嘅background之下更顯傷感，成段副歌歌詞都好有意思，入面有一句：サヨナラに強くなれ この出会いに意味がある(再見為了變得更強，這樣相遇就有意義了)令我更加感動。(睇5th year birthday live第一日，ななみん嘅畢業con個版本，我直頭喊到收唔到掣，而家每次聽都會不自覺流淚)
今次就分享到呢度，仲有七首會留返之後介紹，希望大家先欣賞一下呢三首歌，亦希望大家可以繼續支持小弟嘅文章。
下一篇文講第四至六首已經出咗啦，傳送門喺呢度，有興趣或者未睇嘅朋友可以去睇一睇：【偶像宅的心路歷程】目前為止，十首令我最深刻嘅偶像歌曲 (中)
https://ent.fanpiece.com/dayin46/偶像宅的心路歷程%2D目前為止%2D十首令我最深刻嘅偶像歌曲%2D中-c1382454.html
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk
https://ent.fanpiece.com/m/dayin46/c1381791.html
前幾篇入面都提起過差唔多三四年前，小弟入咗日本偶像坑。其實一直以來我都好鍾意聽歌，喺飯偶像嘅呢幾年我大大話話都聽咗幾百首佢哋嘅歌，當中有唔少幾好聽之餘亦都令我好深刻，今次就希望同各位分享一下當中最最最最難忘嘅十首。(帶定頭盔先，十首排名冇分別先後，因為小弟係乃團飯，當中乃木坂嘅歌會比較多，講嘅嘢亦都可能會有啲主觀，希望各位多多包涵。)
1. AKB48 ── 365日の紙飛行機
可以話係呢首歌帶咗我入偶像圈。小弟由細到大都好鍾意煲劇，特別係日劇，話說有一排特別鐘意煲晨間劇，每集得三四個字有成百幾集嗰啲，嗰陣時煲到一套叫阿淺來了(あさが来た)，劇就真係幾好睇，而主題曲就係呢首歌。當時我對AKB完全係0認識，更何況係日本偶像飯圈，呢首歌可以話打開咗新大門，帶咗我入呢個新世界。
呢首歌嘅旋律好輕鬆柔和，歌詞亦都好充滿希望，everything quite well！呢首歌都可以算係近幾年AKB比較出名嘅一首(其實自まゆゆ(渡辺麻友)畢業左之後我聽少咗好多AKB)，當時其實好似未試過搵女團唱晨間劇嘅歌，當年亦都上紅白唱過。另外其實仲有山本彩彩姐結他Solo嘅版本，編曲改咗少少，彩姐把聲係正嘅，感覺亦都幾唔同。
2. 乃木坂AKB ── 混ざり合うもの
係小弟最常聽嘅幾首之一，Ummmmm...其實呢首歌今日睇返個MV真係有啲特別，不過係帶我由AKB轉會去乃團嘅契機，可以話係我第一首聽嘅乃木坂歌曲(私心：まいやん(白石麻衣)MV入面顏值爆燈⋯)。歌詞對我嚟講冇乜太大嘅特別感覺，旋律係幾上腦。
呢首歌最勁嘅地方係個選拔陣容真係可以話位位大top，有今生冇來世，AKB入面有小嶋陽菜，宮脇咲良，松井珠理奈等等，乃團除咗まいやん之外，仲有なぁちゃん西野七瀬，聖母深川麻衣等等，差唔多個個都係C位嘅人選，亦都開創左之後嘅坂道AKB系列，差唔多一年一首，之後幾首都幾好聽，不過始終因為係幾隊人嘅合唱歌，之後嘅live都好少會表演。(P.S.呢首歌收錄左喺AKB第43隻單曲：君はメロディー入面，而AKB呢隻單曲亦都好難得可以搵返之前畢咗業嘅神七成員(板野友美、前田敦子、篠田麻里子、大島優子)，神七全員合體再表演)
3. 乃木坂46 ── サヨナラの意味
小弟心目中嘅神曲之一。乃團嘅第16隻單曲，正正就係我啱啱開始飯乃團嘅時候出嘅歌，當日乃團飯喺全部歌入面票選嘅no.1。C位係橋本奈々未(ななみん)，乃木坂御三家之一(另外兩個係まいやん同埋蘋果松村沙友理)，呢次係佢第一次C位，亦都係佢引退之前最後一隻單曲。(佢可以話係一個充滿故事嘅人物，有機會再同大家介紹一下。)
呢首歌嘅音樂真係正(恕小弟詞窮，諗唔到第二個形容詞)，MV好好睇亦充滿故事性(其實以前乃團啲MV好多都有故事劇情，個人最鍾意7單嗰幾隻MV，而家嗰啲MV相對上重表表達舞蹈嘅美感，風格有少少唔同咗)，拍攝嘅時候好似打風，呢個天氣環境下拍MV反而造就出同首歌非常合襯，一種絕妙嘅觀感，歌詞喺呢首歌嘅background之下更顯傷感，成段副歌歌詞都好有意思，入面有一句：サヨナラに強くなれ この出会いに意味がある(再見為了變得更強，這樣相遇就有意義了)令我更加感動。(睇5th year birthday live第一日，ななみん嘅畢業con個版本，我直頭喊到收唔到掣，而家每次聽都會不自覺流淚)
今次就分享到呢度，仲有七首會留返之後介紹，希望大家先欣賞一下呢三首歌，亦希望大家可以繼續支持小弟嘅文章。
下一篇文講第四至六首已經出咗啦，傳送門喺呢度，有興趣或者未睇嘅朋友可以去睇一睇：【偶像宅的心路歷程】目前為止，十首令我最深刻嘅偶像歌曲 (中)
https://ent.fanpiece.com/dayin46/偶像宅的心路歷程%2D目前為止%2D十首令我最深刻嘅偶像歌曲%2D中-c1382454.html
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk
請按此登錄後留言。未成為會員? 立即註冊