【偶像宅的心路歷程】生日快樂 ── 我永遠嘅女神：白石麻衣 精選

偶像系列對上一次小弟寫過令我最深刻嘅偶像歌曲，未睇或者有興趣嘅朋友，傳送門喺呢度：【偶像宅的心路歷程】目前為止，十首令我最深刻嘅偶像歌曲 (下)
https://ent.fanpiece.com/dayin46/偶像宅的心路歷程%2D目前為止%2D十首令我最深刻嘅偶像歌曲%2D下-c1382528.html

今日，8月20號係小弟女神白石麻衣(まいやん)嘅28歲生日，お誕生日おめでとう! 趁住呢個機會，我都希望開始介紹一下唔同嘅日本偶像，咁第一篇就由まいやん開始啦!(心底話：你都好難唔係由佢寫起喎⋯)

相信喺乃木坂46入面，まいやん都算係最為飯圈外人熟悉嘅幾個成員之一，相信大家最認識嘅係就係佢第二本寫真 ── パスポート，好行貨都講一句，喺呢一個賣幾萬本寫真已經叫好唔錯嘅世代，呢本パスポート賣咗超過50萬本，真係好犀利，不過介紹佢寫真嘅文網上亦都有唔少，所以今次小弟唔會講太多，反而會站喺小粉絲嘅立場介紹一下佢嘅故事。(題外話：パスポート小弟計埋畢業版，total有三本，不過以飯嚟計其實唔多⋯)
まいやん喺小弟眼中，係皇道偶像嘅代表之一，出道以嚟甚少花邊新聞，一直保持住偶像身份嘅自覺，工作上亦都付出左百二分。有關於佢細個時期嘅故事，就算睇曬乃團所有節月同影片，所知嘅都唔多，睇佢喺早年乃木どこ生誕紀念video入面講，佢喺群馬縣出世，細個係運動健將好鍾意打棒球，之後喺中學老師鼓勵之下參加咗乃團一期嘅甄選，之後就加入左乃團出咗道，佢自己亦都冇乜講太多。不過之後睇乃團第一套documentary：悲しみの忘れ方，入面有一小part佢自己講起，原來佢細個受到校園欺凌事件影響，試過好逃避返學(其實之後就有人爆過料話まいやん當時其實係為咗保護其他受欺凌嘅同學，反而成為咗其他人攻擊嘅對象，不過如果消息係真嘅話，咁就更加證明佢係一個心地好好嘅人)，所以難怪佢亦都唔係好提佢以前嘅事。
Anyway，佢加入咗乃團之後一直都全福神，從未試過跌出選拔，人氣高企嘅佢亦成為乃團御三家之一(其實小弟係御三家推)，佢一直保持住一個最佳嘅偶像形像，喺綜藝節目上就係綜藝咖，台上就係一個閃閃發光嘅皇道偶像，模特兒工作上亦都相當專業，每一方面都做足曬，根本無可挑剔(另外其佢廚藝亦都相當了得，入得廚房出得廳堂，簡直係完美⋯)
其實小弟身為一個飯，追曬所有番，個人覺得まいやん幾年前已經開始有畢業嘅打算，不過次次都有大top畢業，所以佢都留低咗(帶定頭盔先，呢個純粹係個人追完番之後嘅一啲觀念。)。幾年前有訪問，まいやん話當佢覺得團隊冇咗佢之後都可以繼續成長嘅話，佢就會功成身退，而家三、四期生開始起飛，或者就到咗佢認為一個合適嘅時候離開(1月份佢公佈畢業嘅時候，我傷心到傻咗⋯)，喺小弟眼中，佢唔單止工作上一直保持專業，亦都有乃團付出咗佢百分之二百嘅努力。或者佢對陌生嘅新成員未必係最熱情嘅前輩(佢講過佢好怕生)，但係絕對係一個最好嘅榜樣，佢對乃團嘅愛喺飯眼中絕對係爆棚，應該咁講，大概中間有咗一種分割唔到嘅"羈絆"。(題外話：乃木どこ第136集好體現到呢樣野，いこまちゃん(生駒里奈)當時兼任AKB參加總選，兼任決定當時喺成員間其實有好多唔同方面嘅反應(有機會小弟會講)，不過大家最後都自發為佢應援支持佢，呢集真係睇到人好感動，佢哋呢條路真係唔容易。)
以上嘅種種其實只係我所知關於まいやん嘅一小部分，全部寫晒大概寫足一日一夜都唔夠。呢一個應該係佢最後一次喺乃團入面過嘅生日，小弟亦都希望佢畢業之後可以繼續發光發亮，我亦都會一對應援。最後付上佢嘅畢業單曲，乃團第25單：しあわせの保護色，小弟認為呢一首歌對於まいやん嘅乃團生涯係一個好好嘅總結，亦容許小弟講一句：可以飯上乃團真係好幸福。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持就係對我最大嘅鼓勵
https://www.facebook.com/aotsukiidoltalk