【偶像宅的心路歷程】成為了日本偶像飯(二)

四十六的日子 於 01/08/2020 發表 收藏文章

如果未睇第一篇嘅朋友,傳送門喺呢度:【偶像宅的心路歷程】成為了日本偶像飯(一)
https://ent.fanpiece.com/dayin46/偶像宅的心路歷程%2D成為了日本偶像飯%2D一-c1381535.html

上一篇講到,啱啱成為飯嘅時候,我同嚿飯都真係冇乜分別,一開始同乃木坂嘅touch point就只係我女神白石麻衣嘅相,之後都只係聽吓歌,睇吓寫真咁,對於飯日本偶像可以話係一竅不通(直頭係井底之蛙)。

可能我嘅概念仲只係停留喺我以前聽歌買碟,唔知原來其他地方追星甚至成個偶像文化都有分別,一查之下先知原來乃團係有好多唔同嘅綜藝節目(例如乃木坂工事中、Nogi Bingo),連電視劇都有拍過(例如初森Bemar同之後比較新嘅殘美"ザンビ"),加加埋埋都超過左幾百集,當時亦未學日文,所幸亦都有唔少有中文字幕嘅資源,嗰陣一有時間就追番,由開始時只係識得最出名嘅幾個成員,到補曬全部番之後識曬全部member,其實補番呢個動作對我嚟講真係追星最重要嘅一環(真心,我誠意推薦如果新飯真係應該全部補一次)


補番雖然好漫長,但係小弟真係好樂在其中,特別係由啱啱成團開始睇,中間佢哋嘅成長同埋努力,當中嘅悲歡離合,都令到我幾深感受,除咗歡樂、感動之外,見到佢哋咁努力對我嚟講亦係一種鼓勵,誇張啲去講可以話係一種無形嘅精神鼓勵。


記得去到2018年頭嘅C3AFA,乃團終於第一嚟香港,雖然唔係獨立嘅live,我都買左飛去睇,嗰陣我仲幾乎miss左開始售票嘅日子,最後只係買到啦最側邊嘅邊邊位,乃團只佔左全場live時間嘅三份之一左右,但係足已令我非常難忘,亦令我愈嚟愈鐘意呢一隊組合。(其實當期時乃團去C3表演亦都有啲爭議同小風波,不過我自己成場live都好enjoy,其他表演者落力嘅演出亦都令我好投入,全程打call冇停手)

呢兩篇文講嘅都係我入坑初期嘅心路歷程,呢段時間對於從未如此追星嘅我有好大嘅影響,亦都改變左我自己嘅生活,下一篇文我會分享吓之後嘅一啲經歷。最後為大家送上乃團第十隻單曲:第幾次的藍天? (何度目の青空か?),而家我哋經歷緊嘅疫情艱難時期終於會好似雲霧咁散去,藍天始終會出現。


第三篇亦都係講心路歷程嘅最後一篇已經出咗啦,傳送門喺呢度:【偶像宅的心路歷程】成為了日本偶像飯(三)
https://ent.fanpiece.com/m/dayin46/c1381791.html

※本文所有圖片由網上擷取或轉貼,影像版權所有屬該公司版權所有,如有侵權敬希告知,本人會立即移除。※
喜歡我嘅文章可以like一like我嘅Facebook專頁,你地少少嘅支持就係對我最大嘅鼓勵
https://www.facebook.com/aotsukiidoltalk

留言


請按此登錄後留言。未成為會員? 立即註冊
    快捷鍵:←
    快捷鍵:→