小弟之前亦都寫過偶像歌曲同主題曲系列，未睇或者有興趣嘅朋友，傳送門喺呢度：
【偶像宅的心路歷程】目前為止，十首令我最深刻嘅偶像歌曲 (下)
https://ent.fanpiece.com/dayin46/偶像宅的心路歷程%2D目前為止%2D十首令我最深刻嘅偶像歌曲%2D下-c1382528.html
【懷舊系列】五首令我最深刻嘅日劇主題曲
https://ent.fanpiece.com/dayin46/懷舊系列%2D五首令我最深刻嘅日劇主題曲-c1382728.html
除咗上幾次講嘅偶像歌曲同日劇主題曲之外，小弟亦都聽唔少其他日文歌(謎之聲: 你聽歌都幾雜吓⋯⋯Well! 我都否認唔到)，當中有唔少好歌想同大家分享一吓，同上幾次一樣，今次列出嚟嘅五首歌嘅排名都係冇分先後次序，當中可能有啲大家都應該會聽過，亦都有啲係比較舊嘅。都戴返頂帽先，每個人對好歌嘅定義都有唔同，始終各花入各眼，而文章講嘅嘢可能都會有個人嘅睇法，希望大家可以多多包涵。
1. 美空ひばり ── 川の流れのように
已故日本國寶級歌手嘅最後一隻單曲。或者可能唔係好襯小弟個年代，有一排好鍾意聽演歌，美空ひばり嘅當然一定有聽啦，當中我最鍾意嘅就係呢一首，其實有好多都好好聽，不過呢一首令我感受最深刻，佢嘅唱功真係一流，亦都比到人一種心入面柔和同舒服嘅感覺(可以聽埋佢另一首歌: 愛燦燦，亦都相當有水準，傳送門: https://www.youtube.com/watch?v=LrQ0jSeI_T8)，而呢一首歌嘅歌詞亦都好似唱緊佢嘅一生，聽得我好感動。(題外話: 呢首歌歌詞係由秋元康填詞，相信大家如果有留意日本偶像嘅都會知道佢係邊個，呢首係佢比較早期嘅填詞作品，好難想像到佢而家亦都可以製作到46/48系咁有少女心嘅歌曲，填到一啲咁唔同嘅歌詞，真係好勁，哈哈⋯⋯)
2. 河合奈保子 ── ハーフムーン·セレナーデ
呢首歌相信大家都唔會陌生，係李克勤嘅月半小夜曲嘅原版，廣東話版本大家一定有聽過，小弟亦都十分之鍾意，嗰時成日聽廣東話版，所以特登走去搵咗原版嚟聽，但係原版比我嘅感覺又好唔同，河合奈保子把聲好有爆炸力，係副歌: 誰もみんな ひとりぼっちだから嗰段一下子爆上去真係好夠氣，特別俾到一種震撼嘅感覺。如果一定要同比較原版同廣東話版兩個版本，小弟真係唔識揀，河合奈保子同李克勤把聲都好靚亦都將首歌演譯得淋漓盡致，我只可以講: Why not both! (呢首都好似唔係小弟個年代，不過我覺得好歌係冇分年代。)
3. 西野カナ ── さよなら
西野カナ係小弟而家偶像組合以外最常聽嘅一位歌手，而さよなら呢首喺2013年推出，亦係小弟最鍾意嘅一首，旋律幾好聽之餘又好易上口(小弟去唱K都成日唱，已經入晒腦⋯⋯)。西野カナ好多歌都好少女風格(謎之聲: 啱晒你啦!)，應該話佢啲歌詞好多時都係從女性角度去寫(好似係トリセツ就係一個好例子，傳送門: https://www.youtube.com/watch?v=f9w91dS0Umk)，而且西野カナ把聲辨識度好高，佢啲歌都好易認，不過真係幾好聽。但係自上年2月完咗個演唱會之後，就無限期暫停活動，而家佢結咗婚又有咗BB，除咗衷心恭喜佢之外，身為飯嘅我梗係想佢快啲復出啦。
4. Princess Princess ── 世界でいちばん熱い夏
又係唔係小弟個年代嘅歌。其實Princess Princess其他歌小弟都未有聽過，只係一次偶然嘅機會喺節目度聽到佢就愛上咗呢首歌。歌詞同旋律都好有夏天嘅感覺，プリプリ唱歌係好充滿力量嘅，但係呢首歌俾人嘅夏天感覺並唔係仲夏，而係夏天的尾巴，呢個係小弟嘅一啲個人感覺，首歌硬係俾到我一種暑假完結，唏噓又無奈嘅感覺，聽嗰陣時好有畫面，其實都幾match而家呢個時間點去聽。
5. Mr. Children ── Hanabi
對唔住，明明話主題曲以外，不過小弟都係揀咗一首，就算佢唔係主題曲我都一樣會揀。CODE BLUE主題曲，戲我好鍾意，成首歌都好match套戲嘅內容，好似CODE BLUE 3睇個片尾直頭有一種睇MV嘅感覺。不過真正吸引小弟嘅卻係桜井和寿嗰個獨特嘅唱腔，真係好有嗰股滄桑嘅味道，小弟認為佢嘅唱腔將俾聽歌者嘅情感昇華去到第二個層次，而live嘅版本嘅氣氛仲更加正。
今次嘅分享就嚟到呢度，小弟真心講一句，其實日文歌入面無論咩類型都仲有好多好歌，相信大家都應該聽過唔少，仲有好多等待我哋去發現，而上面五首係小弟一個少少嘅心得，之後我除咗現有嘅題材，小弟亦都會繼續努力寫文同發掘更多有趣題材同大家分享，希望各位喺往後嘅日子可以繼續多多支持小弟嘅文章。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持，一個like已經係對我最大嘅鼓勵
https://www.facebook.com/aotsukiidoltalk
【偶像宅的心路歷程】目前為止，十首令我最深刻嘅偶像歌曲 (下)
https://ent.fanpiece.com/dayin46/偶像宅的心路歷程%2D目前為止%2D十首令我最深刻嘅偶像歌曲%2D下-c1382528.html
【懷舊系列】五首令我最深刻嘅日劇主題曲
https://ent.fanpiece.com/dayin46/懷舊系列%2D五首令我最深刻嘅日劇主題曲-c1382728.html
除咗上幾次講嘅偶像歌曲同日劇主題曲之外，小弟亦都聽唔少其他日文歌(謎之聲: 你聽歌都幾雜吓⋯⋯Well! 我都否認唔到)，當中有唔少好歌想同大家分享一吓，同上幾次一樣，今次列出嚟嘅五首歌嘅排名都係冇分先後次序，當中可能有啲大家都應該會聽過，亦都有啲係比較舊嘅。都戴返頂帽先，每個人對好歌嘅定義都有唔同，始終各花入各眼，而文章講嘅嘢可能都會有個人嘅睇法，希望大家可以多多包涵。
1. 美空ひばり ── 川の流れのように
已故日本國寶級歌手嘅最後一隻單曲。或者可能唔係好襯小弟個年代，有一排好鍾意聽演歌，美空ひばり嘅當然一定有聽啦，當中我最鍾意嘅就係呢一首，其實有好多都好好聽，不過呢一首令我感受最深刻，佢嘅唱功真係一流，亦都比到人一種心入面柔和同舒服嘅感覺(可以聽埋佢另一首歌: 愛燦燦，亦都相當有水準，傳送門: https://www.youtube.com/watch?v=LrQ0jSeI_T8)，而呢一首歌嘅歌詞亦都好似唱緊佢嘅一生，聽得我好感動。(題外話: 呢首歌歌詞係由秋元康填詞，相信大家如果有留意日本偶像嘅都會知道佢係邊個，呢首係佢比較早期嘅填詞作品，好難想像到佢而家亦都可以製作到46/48系咁有少女心嘅歌曲，填到一啲咁唔同嘅歌詞，真係好勁，哈哈⋯⋯)
2. 河合奈保子 ── ハーフムーン·セレナーデ
呢首歌相信大家都唔會陌生，係李克勤嘅月半小夜曲嘅原版，廣東話版本大家一定有聽過，小弟亦都十分之鍾意，嗰時成日聽廣東話版，所以特登走去搵咗原版嚟聽，但係原版比我嘅感覺又好唔同，河合奈保子把聲好有爆炸力，係副歌: 誰もみんな ひとりぼっちだから嗰段一下子爆上去真係好夠氣，特別俾到一種震撼嘅感覺。如果一定要同比較原版同廣東話版兩個版本，小弟真係唔識揀，河合奈保子同李克勤把聲都好靚亦都將首歌演譯得淋漓盡致，我只可以講: Why not both! (呢首都好似唔係小弟個年代，不過我覺得好歌係冇分年代。)
3. 西野カナ ── さよなら
西野カナ係小弟而家偶像組合以外最常聽嘅一位歌手，而さよなら呢首喺2013年推出，亦係小弟最鍾意嘅一首，旋律幾好聽之餘又好易上口(小弟去唱K都成日唱，已經入晒腦⋯⋯)。西野カナ好多歌都好少女風格(謎之聲: 啱晒你啦!)，應該話佢啲歌詞好多時都係從女性角度去寫(好似係トリセツ就係一個好例子，傳送門: https://www.youtube.com/watch?v=f9w91dS0Umk)，而且西野カナ把聲辨識度好高，佢啲歌都好易認，不過真係幾好聽。但係自上年2月完咗個演唱會之後，就無限期暫停活動，而家佢結咗婚又有咗BB，除咗衷心恭喜佢之外，身為飯嘅我梗係想佢快啲復出啦。
4. Princess Princess ── 世界でいちばん熱い夏
又係唔係小弟個年代嘅歌。其實Princess Princess其他歌小弟都未有聽過，只係一次偶然嘅機會喺節目度聽到佢就愛上咗呢首歌。歌詞同旋律都好有夏天嘅感覺，プリプリ唱歌係好充滿力量嘅，但係呢首歌俾人嘅夏天感覺並唔係仲夏，而係夏天的尾巴，呢個係小弟嘅一啲個人感覺，首歌硬係俾到我一種暑假完結，唏噓又無奈嘅感覺，聽嗰陣時好有畫面，其實都幾match而家呢個時間點去聽。
5. Mr. Children ── Hanabi
對唔住，明明話主題曲以外，不過小弟都係揀咗一首，就算佢唔係主題曲我都一樣會揀。CODE BLUE主題曲，戲我好鍾意，成首歌都好match套戲嘅內容，好似CODE BLUE 3睇個片尾直頭有一種睇MV嘅感覺。不過真正吸引小弟嘅卻係桜井和寿嗰個獨特嘅唱腔，真係好有嗰股滄桑嘅味道，小弟認為佢嘅唱腔將俾聽歌者嘅情感昇華去到第二個層次，而live嘅版本嘅氣氛仲更加正。
今次嘅分享就嚟到呢度，小弟真心講一句，其實日文歌入面無論咩類型都仲有好多好歌，相信大家都應該聽過唔少，仲有好多等待我哋去發現，而上面五首係小弟一個少少嘅心得，之後我除咗現有嘅題材，小弟亦都會繼續努力寫文同發掘更多有趣題材同大家分享，希望各位喺往後嘅日子可以繼續多多支持小弟嘅文章。
※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※
喜歡我嘅文章可以like一like我嘅Facebook專頁，你地少少嘅支持，一個like已經係對我最大嘅鼓勵
https://www.facebook.com/aotsukiidoltalk
請按此登錄後留言。未成為會員? 立即註冊