【偶像宅的心路歷程】乃木坂46的寫真天下 精選

提到乃木坂46，除咗佢哋嘅表演同歌曲之外，有一樣不得不提嘅就係佢地嘅寫真集，即使係飯圈外嘅朋友，相信喺唔同渠道都會聽過或者睇過，應該咁講，唔只係乃團，其實成個坂道系列近年喺日本寫真界都可以用屠榜去形容。今次就同大家介紹一下當中其中幾本銷量最高嘅。

1. 白石麻衣 ── パスポート

呢一本可以話係神一般嘅存在，加印31次，發行量超過左50萬，銷量超過咗44萬，雖然2017年2月推出到而家超過咗3年，但係仲係長駐Oricon每週寫真銷量排名嘅頭十位，足以證明個地位。呢一本寫真由攝影師中村和孝操刀，小弟認為佢完完全全將我最鍾意嘅女神: 白石麻衣まいやん嘅魅力同美態展露出嚟，而下面小弟就揀咗幾張最鍾意嘅。(小弟計埋畢業特別版total有三本，不過對比其他飯，可以話小巫見大巫。)


1. 乃木坂46 ── 乃木攝Vol. 01/02

呢本成績亦都相當亮麗，Vol. 01上市冇耐銷量就已經超過咗30萬本，Vol. 02初版印刷量亦都的去到18萬本。以寫真嚟計，呢兩本係好特別，一般寫真大概都係會展示返主角嘅美同型態，亦都會影得好靚，但係呢兩本卻唔係sell呢啲，而係輯錄咗成員間日常互影嘅相，可能係後台、休息室入面嘅情況，反正啲相好多都係鬼面、怪顏等等，對飯圈外嘅朋友吸引力未必太大，但係對乃團飯嚟講絕對係必入，小弟都入咗，睇完，感覺好似同乃團更加認識，同埋真係幾有趣，哈哈!

P.S. 下面幾本銷量亦都好高，不過小弟冇入到所以未必能夠詳細介紹，希望各位可以體諒

3. 西野七瀬 ── 風を着替えて

呢本係なぁちゃん出嘅第二本寫真，銷量都超過咗18萬，啲相最特別嘅地方係攝影師用菲林影，所以啲相嘅質感係唔同啲，小弟其實幾鍾意呢本，因為畫面構圖好陽光，加埋なぁちゃん嘅笑顏，真係有種好溫暖親切嘅感覺。


4. 生田絵梨花 ── インターミッション

呢一本嘅初動銷量比起まいやん嘅パスポート更犀利，首批出貨量已經去到22萬本，破曬紀錄，累計銷量亦超過咗30萬，又係中村和孝嘅作品，同いくちゃん第一本寫真: 転調唔同，呢本嘅風格更注重喺展現佢成熟性感嘅一面。


5. 与田祐希 ── 無口な時間

呢一本係最近期嘅，今年先出，不過銷量亦都好勁，短短幾個月已經過咗20萬本，推出冇耐已經加印，足以證明吸引力有幾大。


當然乃團成員出嘅寫真集唔止咁少，其他嗰啲亦都相當精彩，不過位置有限未能盡錄，有機會小弟亦都會再介紹。最後當然要付上一個名場面嘅截圖: いやらしい目で見なければ。

※本文所有圖片由網上擷取或轉貼，影像版權所有屬該公司版權所有，如有侵權敬希告知，本人會立即移除。※喜歡我嘅文章可以like一like我嘅Facebook專頁，你地少少嘅支持，一個like已經係對我最大嘅鼓勵
https://www.facebook.com/aotsukiidoltalk