「愛回家」黎耀祥錫毛舜筠個一刻 我不斷大叫:你唔好呀!

快刀手切親手 於 14/11/2016 發表 收藏文章
Cyberdog好日都唔睇一次TVB,難得今日早返屋企食飯,點知大台比d咁既視覺衝擊我。個劇情好似講到唔知咩黎耀祥原來好早就識毛舜筠,但就成50幾歲人先知,之後就唔知點解會鍾意左佢,嘩,打到呢度,毛管都動埋,兩個加埋都過百歲,仲要玩d咁既「Puppy Love」,扮晒純情。
黎耀祥係佢屋企到同毛舜筠解釋既時候,唉,應該係「表白」先岩,我咬著條菜都忍唔住講左句「你唔好呀,一陣你唔好鍚佢呀」點知佢就突然唔知點樣「呯」埋度門,兩個半百既係房!係房呀!我直頭嚇到菜都噴埋出黎,喂,黎生你都50幾歲,仲得?!唔係喎,再諗一諗毛舜筠......頂,我做嘜諗野呀......
係我想執返條菜個一個moment,黎生突然迅雷不及掩耳,我都遮唔切自己對眼,佢竟然一野鍚左落去!!!!!!!!!仲要係壁咚呀!!!!!!!!!!!!!!!!!!!!!!!
我唔可以咁自私,一定要些牙被大家一齊睇,唔駛多謝我,多謝TVB啦......夠膽你出埋床上戲呀笨!!!!
唔講咁多,Book個眼科洗眼先,bye

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→