[潮文]榮恩剖白揭穿,哈利波特的真面目

瘋狂研究所 於 11/11/2015 發表 收藏文章
轉自藍橘子
loading


[潮文]榮恩剖白揭穿,哈利波特的真面目

好多時,主角被大家感覺係叻好勁,一點缺點都無,
就算做錯事都係劇情需要,世界好似好唔公平咁‥
有時都會係諗自己,點解人地生得有咁靚仔又有錢又有型,
自己好似咩都無咁‥成世人做人配角咁?

如果由一個配角去睇主角又點睇呢?
而配角未必係輸家(記得睇到最後XPP)


【我是榮恩‧衛斯理,我想說的是…】
引用在大家心目中,哈利波特係一個點樣嘅角色?大家都以為哈利係完美主角,不如等我榮恩揭穿佢真面目!

哈利波特喺我眼中,只是一個戴主角光環,含住金鎖匙,靠父母名聲橫行霸道,四圍食女嘅二世祖。

我榮恩•衛斯理擁有純種血統,屋企有五個哥一個妹。亦因為呢個原因屋企變得好窮,我用嘅都是哥哥二手貨。就連寵物都係哥哥用過嘅肥老鼠,佢叫斑斑。點知原來佢係佛地魔僕人,為咗等主人復活竟變做老鼠潛伏我屋企十二年,你話係咪痴線…

相反哈利波特,只屬於半純血統,佢老母莉莉‧波特係個麻種。但哈利依然受萬人擁戴,全因為他母親發動「母愛」技能打破佛地魔連殺記錄,淨係喺額頭上留有閃電形疤痕。

而哈利亦因此而自豪,成日不經意露條疤出黎等其他人知道佢身分,同古惑仔露條刀疤炫耀戰績無分別!

我第一次遇見哈利波特,係去緊霍格華茲嘅火車上。我零用錢例牌少得可憐,唔夠錢買零食,哈利見狀二話不說就掏出一堆金幣將零食車全包,盡顯二世祖風範。

題外話,去到霍格華茲,我先發覺好多巫師都係痴線…

大舊佬海格成日發動高登仔技能,周街執啲怪物放喺森林養。個老女人又特別鍾意變貓偷窺學生,不得不提當然係溝唔到哈利老母嘅石內卜,佢視哈利為眼中釘,我亦因此而受不少苦頭。

講起石內卜,佢簡直係喪心病狂「中二病」患者,姑且唔討論佢髮型、語氣、舉手投足都乸味濃郁。最「中二」係佢喺教科書上稱呼自己做「混血王子」,痴線邊有人會叫自己做混血王子…哈利仲拎住本書日睇夜睇,真係諗返起都打冷震。

哈利嘅絕技就係害死身邊嘅人,從頭到尾害死唔少無辜嘅人同動物。首先喺火盃考驗害死學長西追,西追死後做咗吸血鬼,拍咗套《吸血新世紀Twilight》溝死唔少女。又有一次因為衰衝動同佛地魔隻揪,點知最後害死天狼星。

到後期,全世界都追殺哈利,正氣師打算用變身藥水變成哈利的樣子,以為可以分散敵人注意力,痴線!都唔知邊個天才諗出黎!點解咁多人唔變,要變一個所有敵人都追殺嘅目標?!
其實只要哈利一個飲藥水變成平民就可以,何必搞咁多花樣?!順帶一提,呢個天才計劃害死咗單眼佬「瘋眼穆敵」。

後來,哈利又自以為諗到條絕世好橋,叫我同妙麗飲變身藥水潛入魔法部偷肥婆條分靈體頸鏈…邊個肥婆?七集入面最黑人憎嗰個肥婆囉!唔係唔知嘛?!

講返哈利個計劃,點解佢有隱形斗篷唔用,要用變身藥水呢?最後雖然都成功,但搞到我衝入傳送隧道逃走時成隻手臂被撕開,好L痛啊大佬!好彩我老婆用晒啲藥水醫返好我

然後,明明可以用魔杖射出死光同佛地魔單挑嘅哈利,竟然畀一排嘍囉捉走,最後關頭好彩得意多比黎營救,但亦因為藥水用晒,救唔返多比…全套戲最惹人喜愛嘅多比就係咁死咗,哈利攬住佢喊,我真係想衝埋去鬧佢:「喊乜春啊殺人兇手!我隻手臂仲隱隱作痛啊!」

正所謂不怕神一般的對手,只怕豬一般的隊友。校長鄧不利多一世英明,百幾歲人生最錯就係帶哈利去搵分靈體,看似好重要嘅哈利其實只係行行企企,幫手拉船同盛水,呢種事可以搵海格去做,鄧不利多點解要揀哈利同行?

鄧不利多為搵出分靈體逼住飲坑渠水,飲完臭得濟想話飲杯清水漱口啫!咪叫哈利去拿水囉!

點知識用魔法變水嘅哈利變完出黎用貝殼裝極都裝唔到,又唔識直接用魔法射落鄧不利多個口,走去裝啲海水畀校長飲,真係天才!結果仲叉錯腳畀邪惡人魚扯落水底,勞煩半死嘅鄧不利多拚盡條老命使出火龍捲救返佢,返到學校以為終於可以飲啖水休息返陣,點知就被中二病石內卜殺死,陰公…

要數到哈利嘅卑劣人格當然不止於此,佢喺校內係出名嘅『七彩食女王』,點解叫七彩?有一次被肥婆佔領學校,大家喺密室秘密練習魔法,哈利就搭上黃皮膚張秋。後來喺麻瓜世界嘅一間地下鐵快餐店又勾搭黑皮膚女侍應。最後又同我妹金尼結婚…佢玩晒啦。

不過呢…

「老公~」背後突然傳來妙麗叫聲。

我一掉轉頭,見到妙麗著住絲質半透明睡衣企喺房門口:「仲唔入黎訓?」

「訓?妳著到咁點訓啊?!」

不過呢!我就娶到妙麗囉!Now~ Tell Me Who’s the Boss ?!唉,其實我咁窮,係因為我老豆生太多…但妙麗每日都咁樣嘅話,睇黎我個仔都會好窮。


轉自藍橘子

。*文字、圖片、短片只是轉貼,純粹分享好東西。若有侵犯到你的版權,請到facebook留言通知刪掉,﹐謝謝。*



❤▂▃請支持瘋狂研究所 FacEbook 專頁 !▃▂ ❤

留言


請按此登錄後留言。未成為會員? 立即註冊
    快捷鍵:←
    快捷鍵:→