本來小弟並無意欲去評價《流浪地球》呢部電影，呢部號稱「中國第一部國際級科幻大片」嘅空前成功，恕小弟並未有如其他國人一樣感受到無比尊榮。首先，以一個全年票房總收入超過600億、只係內需表現已經如此強勁嘅電影市場，既已有天文數字式嘅票房紀錄，又何妨有其專屬嘅科學幻想電影? 其次，中國係其中一個國際航天大國，就算中國嘅電器有可能會爆炸都好，事實上中國的確擁有探索宇宙嘅科技，亦有科研及向太空探求嘅文化土壤，所以孕育出具中國特式嘅科幻文藝作品，亦應係意料中事。既係意料中事，亦無需因此而感到驚奇或榮耀。除咗比較意外一點，係《流浪地球》響今年大年初一開映，響強片林立以及初期排片量欠佳 (約只佔10%)，竟然以口碑後來居上，跑羸大市成為中國新春賀歲檔大贏家，至今已狂收四十五億人民幣…..
直到最近，響網絡上出現一個說法，指《流浪地球》嘅故事，竟與一部1962年由日本東寶攝制嘅日本特攝片《妖星哥拉斯》(妖星ゴラス)，響故事大綱上有「異曲同工」之妙…..事件就變得有趣起來。小弟未睇過《妖星哥拉斯》一片，只能以此片在中文版維基(Wiki)上顯示的故事大綱一探端睨:
「在宇宙中有一個不斷前進的妖星哥拉斯，質量是地球的6000倍，即將於地球相撞，於是科學家們採取了一個大膽的計劃以避免地球與哥拉斯的相撞，在南極建造噴射基地，好讓地球成為一個大火箭離開太陽系軌道。該計畫遭遇了一系列變故，但地球最終擺脫了哥拉斯的撞擊，成功脫險。」
我諗「將地球以大型推進器推離軌道避免被毀滅」，應該唔係一個好隨意就構思得出嘅科幻故事大綱啩?一部1962年嘅科幻片，響故事上竟與一部發行於2000年嘅小說、2019年出品嘅電影，出現故事大綱上嘅類同，如果當中亦無任何瓢竊抄襲之處，咁呢種巧合，就真係太巧合了。
最近一條將《流浪地球》、《妖星哥拉斯》作對比嘅短片, 實為中國方面某位聰明網民嘅遊戲之作; 這已代表響中國嘅部份觀眾, 已意識到兩片之間呢種「不可思議」嘅相似類同; 而竟有一群觀眾, 仍執著於「抄襲」同「類同」嘅分別, 甚至認為不同科幻電影之間響鏡頭同題材上都總有異同, 憑此指控《流浪地球》並不公道…..呢種護航論調, 恕小弟不打算作回應。響呢件事上,小弟唯一肯定的,係中國國內,仍有好「心水清」嘅觀眾,看出當中嘅「巧合」之處;呢種基於見多識廣嘅洞察力同賦有傳疑嘅精神,總比盲目相信、放棄思考來得強。
返到劉慈欣本人。其實劉氏嘅想像、創作力，本身絕對係世界級。《流浪地球》所引起嘅瓢竊之嫌，亦無法影響到佢響國際科普創作界嘅地位。劉氏響2000年左右已經係名聞中國嘅科幻小說巨擘；佢真正揚名於國際，係2015年憑其作品《三體》嘅英文版，獲得2015年雨果獎(Hugo Award)最佳小說獎。對比起《流浪星球》，分成三部嘅《三體》先係真正嘅鴻篇巨構。而有趣嘅係， 《三體》其實比《流浪地球》更早開拍真人電影版。早在2015年年初，已有公司投資開拍《三體》真人版電影，並由張靜初、馮紹峰、唐嫣等主演；但係影片響2015年年中殺青後，一直未能完成製作上映。當中曾傳出資金不足、製作公司不穩、製作人失蹤等不利傳聞。直到今年《流浪地球》空前成功， 《三體》電影版面世仍然遙遙無期，連劉慈欣本人亦表示無法預計影片是否能夠完成。
其實《流浪地球》本身響製作時亦非順風順水。據說影片其中一個投資方萬達影業竟在製作期中途徹資，令製作方陣腳大亂。甚至出現一個說法，係原定只係客串演出嘅吳京，不但不收分文演出，甚至注資六千萬人民幣、擔任起聯合出品人來(影片出品人一欄確有包括吳京)。當然呢個說法無法徹底求證，起碼萬達否認說法。但係吳京由演出者兼任出品人亦係事實。無論如何， 《流浪地球》獲得空前成功，一切製作上之艱辛，如今也足以用來憶苦思甜吧。
最後談談影片本身質素。作為一部以娛樂掛帥嘅科幻電影， 《流浪地球》基本上已經達到荷里活電影嘅水平。無論係影片嘅視野、氣魄，以至美術、特技嘅設計，都與一部A級荷里活科幻電影無異。分別只係，響《流浪地球》中，拯救世界嘅責任由傳統嘅大美國變為大中國，無論係劇情嘅主軸，以及拯救世界嘅英雄人物，都由中國角色擔任。有觀眾對呢種洋溢嘅大中國主義嗤之以鼻，但其實響荷里活作品中，又何嘗唔係充滿住「美國係世界領導」嘅潛台辭? 只係唔同人當家作主，歌頌嘅對象自然亦有不同。而過癮之處，係《流浪地球》響全片中，幾乎將美國於故事時空中徹底隱形。片中除中國人外，外國人主要以俄羅斯及法國人代表；響整場地球大逃亡嘅決策上，美國完全沒有任何聲音可言。小弟無睇過《流浪地球》原著，唔知原著故事如何安排，但當影片將美國消失於國際大勢之中、極力「去美國化」，對比荷里活影片響呢三幾年愈來愈注重中國市場、響影片加入東方文化去迎合中國觀眾。兩國對於對家嘅不同處理手法，令人會心微笑，可能比呢D電影更有娛樂性。
由於無睇過《流浪地球》嘅原著，只能以電影版嘅故事線、叙事手法去評論影片。基本上呢部戲係唔少荷里活電影嘅大集薈，例如《2012》、《明日之後》(The Day After Tomorrow)、《星際啟示錄》(Interstellar)等電影。例如片中太空人劉培強(吳京)同兒子劉啟(屈楚蕭)分隔千里嘅父子情，明顯參考《星際啟示錄》。而將親情揉合災難片 (對， 《流浪地球》更跡近一部災難片多於科幻電影)，亦係荷里活電影嘅一貫手法。不過呢次郭帆導演響拍攝本片時，亦非全盤參考外國；響劇本鋪陳上，亦有佢個人嘅熟練手腕；例如反覆出現嘅交通安全訊息、或係韓朵朵(趙今麥)首尾呼應嘅陳詞等。對於劇本嘅安排，郭導有佢獨到嘅地方。雖然影片始終令人不住想起Roland Emmerich(《2012》、《明日之後》導演)執導嘅科幻災難片，尤其係嗰種為求官能刺激而漠視科學物理原理嘅創作方式最為相似 (如吳京竟可在外太空一手將幾乎飄走嘅俄羅斯同僚一把拉住) ；不過郭帆導演嘅映象感，竟然比Roland Emmerich更勝一籌，起碼響攝影構圖同色調運用上，稱得上係色彩紛陳，相比之下，某些荷里活科幻片，映象還有點平板。
作為中國第一部邁向國際嘅科幻大製作， 《流浪地球》的確打咗既艱辛又燦爛嘅一仗。即使未達到荷里活式科幻片嘅最高水準，但以亞洲水準而言，已經算係一流水準。起碼影片雖仍有離譜之處，但仍能動之以情，令人忘卻電腦特技嘅瑕疵以及令觀眾汗毛直豎嘅大中國主義。但另一方面，如果我地對於《流浪地球》故事嘅疑似「巧合」事件視而不見，甚至覺得理所當然，對於中國科幻電影嘅發展又是否一件好事呢?除非你都認同中國電影就係等如山寨，咁樣對於「原創」，確實沒有追求嘅必要。
香港電影吹水王
https://www.facebook.com/confessionmoviejunkiehk/
國際電影吹水王https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
直到最近，響網絡上出現一個說法，指《流浪地球》嘅故事，竟與一部1962年由日本東寶攝制嘅日本特攝片《妖星哥拉斯》(妖星ゴラス)，響故事大綱上有「異曲同工」之妙…..事件就變得有趣起來。小弟未睇過《妖星哥拉斯》一片，只能以此片在中文版維基(Wiki)上顯示的故事大綱一探端睨:
「在宇宙中有一個不斷前進的妖星哥拉斯，質量是地球的6000倍，即將於地球相撞，於是科學家們採取了一個大膽的計劃以避免地球與哥拉斯的相撞，在南極建造噴射基地，好讓地球成為一個大火箭離開太陽系軌道。該計畫遭遇了一系列變故，但地球最終擺脫了哥拉斯的撞擊，成功脫險。」
我諗「將地球以大型推進器推離軌道避免被毀滅」，應該唔係一個好隨意就構思得出嘅科幻故事大綱啩?一部1962年嘅科幻片，響故事上竟與一部發行於2000年嘅小說、2019年出品嘅電影，出現故事大綱上嘅類同，如果當中亦無任何瓢竊抄襲之處，咁呢種巧合，就真係太巧合了。
最近一條將《流浪地球》、《妖星哥拉斯》作對比嘅短片, 實為中國方面某位聰明網民嘅遊戲之作; 這已代表響中國嘅部份觀眾, 已意識到兩片之間呢種「不可思議」嘅相似類同; 而竟有一群觀眾, 仍執著於「抄襲」同「類同」嘅分別, 甚至認為不同科幻電影之間響鏡頭同題材上都總有異同, 憑此指控《流浪地球》並不公道…..呢種護航論調, 恕小弟不打算作回應。響呢件事上,小弟唯一肯定的,係中國國內,仍有好「心水清」嘅觀眾,看出當中嘅「巧合」之處;呢種基於見多識廣嘅洞察力同賦有傳疑嘅精神,總比盲目相信、放棄思考來得強。
返到劉慈欣本人。其實劉氏嘅想像、創作力，本身絕對係世界級。《流浪地球》所引起嘅瓢竊之嫌，亦無法影響到佢響國際科普創作界嘅地位。劉氏響2000年左右已經係名聞中國嘅科幻小說巨擘；佢真正揚名於國際，係2015年憑其作品《三體》嘅英文版，獲得2015年雨果獎(Hugo Award)最佳小說獎。對比起《流浪星球》，分成三部嘅《三體》先係真正嘅鴻篇巨構。而有趣嘅係， 《三體》其實比《流浪地球》更早開拍真人電影版。早在2015年年初，已有公司投資開拍《三體》真人版電影，並由張靜初、馮紹峰、唐嫣等主演；但係影片響2015年年中殺青後，一直未能完成製作上映。當中曾傳出資金不足、製作公司不穩、製作人失蹤等不利傳聞。直到今年《流浪地球》空前成功， 《三體》電影版面世仍然遙遙無期，連劉慈欣本人亦表示無法預計影片是否能夠完成。
其實《流浪地球》本身響製作時亦非順風順水。據說影片其中一個投資方萬達影業竟在製作期中途徹資，令製作方陣腳大亂。甚至出現一個說法，係原定只係客串演出嘅吳京，不但不收分文演出，甚至注資六千萬人民幣、擔任起聯合出品人來(影片出品人一欄確有包括吳京)。當然呢個說法無法徹底求證，起碼萬達否認說法。但係吳京由演出者兼任出品人亦係事實。無論如何， 《流浪地球》獲得空前成功，一切製作上之艱辛，如今也足以用來憶苦思甜吧。
最後談談影片本身質素。作為一部以娛樂掛帥嘅科幻電影， 《流浪地球》基本上已經達到荷里活電影嘅水平。無論係影片嘅視野、氣魄，以至美術、特技嘅設計，都與一部A級荷里活科幻電影無異。分別只係，響《流浪地球》中，拯救世界嘅責任由傳統嘅大美國變為大中國，無論係劇情嘅主軸，以及拯救世界嘅英雄人物，都由中國角色擔任。有觀眾對呢種洋溢嘅大中國主義嗤之以鼻，但其實響荷里活作品中，又何嘗唔係充滿住「美國係世界領導」嘅潛台辭? 只係唔同人當家作主，歌頌嘅對象自然亦有不同。而過癮之處，係《流浪地球》響全片中，幾乎將美國於故事時空中徹底隱形。片中除中國人外，外國人主要以俄羅斯及法國人代表；響整場地球大逃亡嘅決策上，美國完全沒有任何聲音可言。小弟無睇過《流浪地球》原著，唔知原著故事如何安排，但當影片將美國消失於國際大勢之中、極力「去美國化」，對比荷里活影片響呢三幾年愈來愈注重中國市場、響影片加入東方文化去迎合中國觀眾。兩國對於對家嘅不同處理手法，令人會心微笑，可能比呢D電影更有娛樂性。
由於無睇過《流浪地球》嘅原著，只能以電影版嘅故事線、叙事手法去評論影片。基本上呢部戲係唔少荷里活電影嘅大集薈，例如《2012》、《明日之後》(The Day After Tomorrow)、《星際啟示錄》(Interstellar)等電影。例如片中太空人劉培強(吳京)同兒子劉啟(屈楚蕭)分隔千里嘅父子情，明顯參考《星際啟示錄》。而將親情揉合災難片 (對， 《流浪地球》更跡近一部災難片多於科幻電影)，亦係荷里活電影嘅一貫手法。不過呢次郭帆導演響拍攝本片時，亦非全盤參考外國；響劇本鋪陳上，亦有佢個人嘅熟練手腕；例如反覆出現嘅交通安全訊息、或係韓朵朵(趙今麥)首尾呼應嘅陳詞等。對於劇本嘅安排，郭導有佢獨到嘅地方。雖然影片始終令人不住想起Roland Emmerich(《2012》、《明日之後》導演)執導嘅科幻災難片，尤其係嗰種為求官能刺激而漠視科學物理原理嘅創作方式最為相似 (如吳京竟可在外太空一手將幾乎飄走嘅俄羅斯同僚一把拉住) ；不過郭帆導演嘅映象感，竟然比Roland Emmerich更勝一籌，起碼響攝影構圖同色調運用上，稱得上係色彩紛陳，相比之下，某些荷里活科幻片，映象還有點平板。
作為中國第一部邁向國際嘅科幻大製作， 《流浪地球》的確打咗既艱辛又燦爛嘅一仗。即使未達到荷里活式科幻片嘅最高水準，但以亞洲水準而言，已經算係一流水準。起碼影片雖仍有離譜之處，但仍能動之以情，令人忘卻電腦特技嘅瑕疵以及令觀眾汗毛直豎嘅大中國主義。但另一方面，如果我地對於《流浪地球》故事嘅疑似「巧合」事件視而不見，甚至覺得理所當然，對於中國科幻電影嘅發展又是否一件好事呢?除非你都認同中國電影就係等如山寨，咁樣對於「原創」，確實沒有追求嘅必要。
香港電影吹水王
https://www.facebook.com/confessionmoviejunkiehk/
國際電影吹水王https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
請按此登錄後留言。未成為會員? 立即註冊