文 : 吹水王‧泰利
行家一出手，便知有沒有。如果你確信金像級導演Steve McQueen (《12 Years a Slave》)嘅能力，咁由佢執導嘅「商業片」，亦會有其過人同另類之處。新作(*一個小弟相當唔理解點解會咁改嘅繹名)《剋‧寡婦》(Widows) 雖然係以犯罪電影作包裝，但其實編導本人志不在此，類型片包裝只係榥子，編導真實要描述嘅，係佢眼中嘅美國社會風情話。
《剋‧寡婦》故事設定於今日嘅芝加哥市，以一場市議員選戰為經，一場搶劫案失手嘅後續風雲為緯，揭示今日美國社會上嘅階級鬥爭以至各個社會階層嘅深層矛盾。例如嗰場市議員選戰，係由代表街頭勢力嘅黑人流氓大亨(Brian Tyree Henry飾)，挑戰世襲盤據市議會、白人勢力代表(Colin Farrell飾)。呢場「黑」「」白之爭，既係膚色、社會階層之爭，亦係黑白兩道之間嘅利益角力。嗰場失手嘅搶劫案，就係兩股勢力鬥爭之間嘅衍生品。三個因案件而失去丈夫嘅寡婦， Viola Davis係與白人通婚嘅黑人中產， Michelle Rodriguez代表拉丁美州裔、響社會低層掙扎求存嘅一群，而Elizabeth Debicki飾演嘅係東歐移民後裔。三人各有前因，亦面對生活上各種問題，迫使佢地策劃另一宗搶劫案，去解決佢地嘅生活問題。
本片對於近年美國社會有一種頗深入嘅觀察同直白嘅描述；如果以戲論戲，可以同幾年前另一部電影《奪命無聲》(Killing Them Softly)相提並論。不過《奪命無聲》描述嘅係2008年金融海嘯後極度蕭條嘅美國，連古惑仔都要面對生計問題；而《剋‧寡婦》則係後奧巴馬/特朗普年代，社會進入分化鬥爭期，表面上希望以權力更替及政策推動做成社會進步，但係實際原因卻無關正義，只係不同勢力爭奪社會上嘅僅餘利益；而社會底層有一批人士，更因社會嘅內強中乾以及不景嘅經濟而難以生活。
近年美國吹起一鼓平權風潮，由性別平權到膚色、種族多元，由社會政策吹到文化藝術層面。當《黑豹》(The Black Panther)能夠成為首部入圍提名「奧斯卡最佳電影」嘅超級英雄電影，可想而知，今日嘅美國，名正言順、政治正確，足以凌駕一切。但響《剋‧寡婦》電影中，多種族嘅「Diversity」設定，未有淪為一種追求政治正確嘅手段。反之，係更能公道地指出美國社會階層嘅組成同分配，以及共同面對嘅社會難題。無論中產、低下階層，同樣會面對不同生計問題，而且當中並無因膚色或社會階層，作強弱者、忠奸之分。每個人都有自己嘅Agenda，而背後嘅原因，亦只為利益，甚至生存。Steve McQueen本身作為黑人導演，亦並無將膚色平權等荷里活熱衷嘅議題注入作品，更無將角色隨意弱者或妖魔化，殺人放火未必十惡不赦，修橋舖路亦未必係真正善人，總之人人只為利益不必空談義理。相對於部份創作人仍然有意無意將種族/性別矛盾二分化，將他者妖魔化，突顯苦大仇深去煽動觀眾情緒， Steve McQueen以及聯合編劇Gillian Flynn(《Gone Girl》原作者》更能以冷靜嘅筆觸去描述現今美國社會嘅種種鬥爭。
Steve McQueen除咗係有視野嘅編劇同有風格嘅導演，佢指導演員上亦有一手。飾演寡婦團領頭人嘅Viola Davis固然一貫地精彩，連一向演技欠奉嘅Michelle Rodriguez亦少有地有戲味。而影片另一個注目人物，係飾演競逐議員大位、名門之後嘅Colin Farrell，佢代表世襲白人傳統勢力嘅繼承人，既要面對後起者(黑人勢力)嘅狙擊，亦要承受上一代(Robert Duvall飾)對佢指指點點，呢個活響夾縫中嘅角色， Colin Farrell演來亦正亦邪游刃有餘，面對唔同角色展露出唔同立場同態度，絕對係水準之作。響《訪‧嚇》(Get Out)大放異彩嘅Daniel Kaluuya，今次一反形象飾演力保親大哥上位嘅冷血殺手，亦令人耳目一新。至於響海報上同樣掛頭牌嘅Liam Neeson同Jon Bernthal(電視劇《Punisher》男主角)，前者僅屬特別客串形式，表現僅恰如其分；後者演出時間甚至僅得以秒數計，估計其戲份因片長問題而被刪淨無幾。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
行家一出手，便知有沒有。如果你確信金像級導演Steve McQueen (《12 Years a Slave》)嘅能力，咁由佢執導嘅「商業片」，亦會有其過人同另類之處。新作(*一個小弟相當唔理解點解會咁改嘅繹名)《剋‧寡婦》(Widows) 雖然係以犯罪電影作包裝，但其實編導本人志不在此，類型片包裝只係榥子，編導真實要描述嘅，係佢眼中嘅美國社會風情話。
《剋‧寡婦》故事設定於今日嘅芝加哥市，以一場市議員選戰為經，一場搶劫案失手嘅後續風雲為緯，揭示今日美國社會上嘅階級鬥爭以至各個社會階層嘅深層矛盾。例如嗰場市議員選戰，係由代表街頭勢力嘅黑人流氓大亨(Brian Tyree Henry飾)，挑戰世襲盤據市議會、白人勢力代表(Colin Farrell飾)。呢場「黑」「」白之爭，既係膚色、社會階層之爭，亦係黑白兩道之間嘅利益角力。嗰場失手嘅搶劫案，就係兩股勢力鬥爭之間嘅衍生品。三個因案件而失去丈夫嘅寡婦， Viola Davis係與白人通婚嘅黑人中產， Michelle Rodriguez代表拉丁美州裔、響社會低層掙扎求存嘅一群，而Elizabeth Debicki飾演嘅係東歐移民後裔。三人各有前因，亦面對生活上各種問題，迫使佢地策劃另一宗搶劫案，去解決佢地嘅生活問題。
本片對於近年美國社會有一種頗深入嘅觀察同直白嘅描述；如果以戲論戲，可以同幾年前另一部電影《奪命無聲》(Killing Them Softly)相提並論。不過《奪命無聲》描述嘅係2008年金融海嘯後極度蕭條嘅美國，連古惑仔都要面對生計問題；而《剋‧寡婦》則係後奧巴馬/特朗普年代，社會進入分化鬥爭期，表面上希望以權力更替及政策推動做成社會進步，但係實際原因卻無關正義，只係不同勢力爭奪社會上嘅僅餘利益；而社會底層有一批人士，更因社會嘅內強中乾以及不景嘅經濟而難以生活。
近年美國吹起一鼓平權風潮，由性別平權到膚色、種族多元，由社會政策吹到文化藝術層面。當《黑豹》(The Black Panther)能夠成為首部入圍提名「奧斯卡最佳電影」嘅超級英雄電影，可想而知，今日嘅美國，名正言順、政治正確，足以凌駕一切。但響《剋‧寡婦》電影中，多種族嘅「Diversity」設定，未有淪為一種追求政治正確嘅手段。反之，係更能公道地指出美國社會階層嘅組成同分配，以及共同面對嘅社會難題。無論中產、低下階層，同樣會面對不同生計問題，而且當中並無因膚色或社會階層，作強弱者、忠奸之分。每個人都有自己嘅Agenda，而背後嘅原因，亦只為利益，甚至生存。Steve McQueen本身作為黑人導演，亦並無將膚色平權等荷里活熱衷嘅議題注入作品，更無將角色隨意弱者或妖魔化，殺人放火未必十惡不赦，修橋舖路亦未必係真正善人，總之人人只為利益不必空談義理。相對於部份創作人仍然有意無意將種族/性別矛盾二分化，將他者妖魔化，突顯苦大仇深去煽動觀眾情緒， Steve McQueen以及聯合編劇Gillian Flynn(《Gone Girl》原作者》更能以冷靜嘅筆觸去描述現今美國社會嘅種種鬥爭。
Steve McQueen除咗係有視野嘅編劇同有風格嘅導演，佢指導演員上亦有一手。飾演寡婦團領頭人嘅Viola Davis固然一貫地精彩，連一向演技欠奉嘅Michelle Rodriguez亦少有地有戲味。而影片另一個注目人物，係飾演競逐議員大位、名門之後嘅Colin Farrell，佢代表世襲白人傳統勢力嘅繼承人，既要面對後起者(黑人勢力)嘅狙擊，亦要承受上一代(Robert Duvall飾)對佢指指點點，呢個活響夾縫中嘅角色， Colin Farrell演來亦正亦邪游刃有餘，面對唔同角色展露出唔同立場同態度，絕對係水準之作。響《訪‧嚇》(Get Out)大放異彩嘅Daniel Kaluuya，今次一反形象飾演力保親大哥上位嘅冷血殺手，亦令人耳目一新。至於響海報上同樣掛頭牌嘅Liam Neeson同Jon Bernthal(電視劇《Punisher》男主角)，前者僅屬特別客串形式，表現僅恰如其分；後者演出時間甚至僅得以秒數計，估計其戲份因片長問題而被刪淨無幾。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
請按此登錄後留言。未成為會員? 立即註冊