文 : 吹水王‧泰利
作為一個Dario Argento /「 Giallo」 (意式恐怖片類型)嘅影迷，基於「重拍必差」嘅定律，對於《陰風陣陣》(Suspiria)宣佈被重拍，本身並無置以太多期望；甚至當宣佈由當時得令嘅意大利導演 Luca Guadagnino執導時，亦未有為此而期待 (佢嗰部大熱作品《Call Me by Your Name》小弟一直未有興趣觀看)。直到第一個電影預告面世，濃烈嘅神秘主義氣氛以及具有七十年代懸疑驚慄電影味道嘅影像，令小弟對於呢部重拍電影重燃返少少希望。
重拍版《陰風陣陣》故事同77年原版一樣，講述來自美國嘅新晉舞蹈員Susie (Dakota Johnson飾)，考進位於柏林嘅著名舞蹈團Tanz Dance Academy，滿以為可以在舞台上一展身手，豈料自己嘅加盟只係墮入一個神秘會社嘅獻祭佈局……
重拍版《陰風陣陣》同原版嘅最大異同，就係除咗基本故事同角色名外，兩部電影幾乎徹頭徹尾係兩部唔同嘅電影，表達嘅內容幾乎完全唔同。由Dario Argento編導嘅77年原版《陰風陣陣》，本質上其實都係導演拿手嘅連環殺手類型電影，只不過將故事注入神秘主義、超自然色彩，導演著重嘅仍然係殺戮場面嘅設計同趣味，以及整色整水嘅影像、燈光同色調；但係新版《陰風陣陣》，聚焦嘅反而係氣氛嘅營造。編導以陰沉嘅影像、如夢似幻嘅配樂(Radiohead旗手Thom Yorke嘔心瀝血之作)以及賦有神秘主義嘅內容(如反覆出現嘅神秘學傳說、符號、意像)，極力為影片製造一種神秘(但並不懸疑)嘅氛圍，令觀眾跟隨製作人，進入一個昏昏沉沉嘅神秘世界。因此新版中並無舊版「逐個殺」嘅類型片典型場面， 個別人物嘅死亡場面反而係用於渲染神秘力量嘅魔爪猖狂；同時亦再無所謂「誰是兇手」嘅陳腔濫調，故事開門見山地有陰謀，結局與舊版不同但亦非大家所意想不到，不過仍然呈現出凡人面對遠古嘅神秘力量嗰種無從抵擋同不可逆抗，恐佈感十足。(結局嘅獻祭場面，可能係小弟近年睇過最令人情緒不安嘅電影場面之一)
而對於舞蹈嘅使用，新舊版亦有極大嘅分別。響舊版中，所謂女子舞蹈學校，更似係一個佈景版，讓一群女子集於其中，製造一個全女版嘅困獸鬥場所。但新版嘅舞蹈學校，則更似係一個秘密會社，人人稀奇古怪，各懷鬼胎，而舞蹈本身，響影片處於極重要嘅位置。影片其中一個重要嘅內容，係「獻祭」。編導將舞蹈藝術本質還原，回歸成古人向神祇進行敬拜嘅手段。因此片中女演員不斷排演嘅一場現代舞，更跡近係一場祭禮；到眾人正式表演時，舞蹈室地面上呈現出嘅角星圖案，更確定片中所謂嘅舞蹈本身，其實係一場魔法陣/祭禮。
而另一項兩片最大嘅分別，係新版為故事注入咗大量嘅時代背景元素。新版影片故事背景訂於1977年嘅德國柏林(亦係原版電影面世嘅年份)，編導為電影故事加入咗唔少同當時德國社會有關嘅歷史元素，如左翼恐怖份子(德國赤軍)肆虐嘅「德意志之秋」，以及77年德國赤軍擄劫「漢莎航空」航機事件；角色之一「離教者」Patricia (「Hit Girl」Chloë Grace Moretz飾演)由於得悉團長Madame Blanc (Tilda Swinton飾)嘅神秘陰謀，於是逃出舞團，但由於加入咗德國赤軍，被Madame Blanc冠以反社會份子嘅帽子。而負責為Patricia診治精神問題嘅醫師Dr. Klemperer (出人意表地由Tilda Swinton易容變裝分飾)，本人竟然都有一條尋妻感情線，夫妻因二戰而分離，妻子落入納粹集中營而死。編導將二戰時期以至七十年代與德國有關嘅歷史事件、元素，混入新版《陰風陣陣》電影故事之中，論故事涵蓋已經超越舊作嘅純粹類型片格式。
其實新版《陰風陣陣》是否一部好戲，好難三言兩語講得清楚，首先其故事內容嘅訊息蘊含量非常之高，若只睇一次恐怕觀眾未必能夠全盤接收；其次係影片呈現嘅神秘主義氣氛，接受與否好視乎觀眾是否對類似嘅神秘學元素是否接受，如果閣下自命理性、對於電影故事起承轉合有嚴格要求嘅，本片恐怕絕不是閣下杯茶。小弟觀畢全片最大嘅感受，就係影片本身正係一場祭禮，編導要催眠嘅就係電影院中嘅觀眾。但係催眠觀眾嘅目的、獻祭嘅對像係乜.....咁就要問返製作人本身啦。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
作為一個Dario Argento /「 Giallo」 (意式恐怖片類型)嘅影迷，基於「重拍必差」嘅定律，對於《陰風陣陣》(Suspiria)宣佈被重拍，本身並無置以太多期望；甚至當宣佈由當時得令嘅意大利導演 Luca Guadagnino執導時，亦未有為此而期待 (佢嗰部大熱作品《Call Me by Your Name》小弟一直未有興趣觀看)。直到第一個電影預告面世，濃烈嘅神秘主義氣氛以及具有七十年代懸疑驚慄電影味道嘅影像，令小弟對於呢部重拍電影重燃返少少希望。
重拍版《陰風陣陣》故事同77年原版一樣，講述來自美國嘅新晉舞蹈員Susie (Dakota Johnson飾)，考進位於柏林嘅著名舞蹈團Tanz Dance Academy，滿以為可以在舞台上一展身手，豈料自己嘅加盟只係墮入一個神秘會社嘅獻祭佈局……
重拍版《陰風陣陣》同原版嘅最大異同，就係除咗基本故事同角色名外，兩部電影幾乎徹頭徹尾係兩部唔同嘅電影，表達嘅內容幾乎完全唔同。由Dario Argento編導嘅77年原版《陰風陣陣》，本質上其實都係導演拿手嘅連環殺手類型電影，只不過將故事注入神秘主義、超自然色彩，導演著重嘅仍然係殺戮場面嘅設計同趣味，以及整色整水嘅影像、燈光同色調；但係新版《陰風陣陣》，聚焦嘅反而係氣氛嘅營造。編導以陰沉嘅影像、如夢似幻嘅配樂(Radiohead旗手Thom Yorke嘔心瀝血之作)以及賦有神秘主義嘅內容(如反覆出現嘅神秘學傳說、符號、意像)，極力為影片製造一種神秘(但並不懸疑)嘅氛圍，令觀眾跟隨製作人，進入一個昏昏沉沉嘅神秘世界。因此新版中並無舊版「逐個殺」嘅類型片典型場面， 個別人物嘅死亡場面反而係用於渲染神秘力量嘅魔爪猖狂；同時亦再無所謂「誰是兇手」嘅陳腔濫調，故事開門見山地有陰謀，結局與舊版不同但亦非大家所意想不到，不過仍然呈現出凡人面對遠古嘅神秘力量嗰種無從抵擋同不可逆抗，恐佈感十足。(結局嘅獻祭場面，可能係小弟近年睇過最令人情緒不安嘅電影場面之一)
而對於舞蹈嘅使用，新舊版亦有極大嘅分別。響舊版中，所謂女子舞蹈學校，更似係一個佈景版，讓一群女子集於其中，製造一個全女版嘅困獸鬥場所。但新版嘅舞蹈學校，則更似係一個秘密會社，人人稀奇古怪，各懷鬼胎，而舞蹈本身，響影片處於極重要嘅位置。影片其中一個重要嘅內容，係「獻祭」。編導將舞蹈藝術本質還原，回歸成古人向神祇進行敬拜嘅手段。因此片中女演員不斷排演嘅一場現代舞，更跡近係一場祭禮；到眾人正式表演時，舞蹈室地面上呈現出嘅角星圖案，更確定片中所謂嘅舞蹈本身，其實係一場魔法陣/祭禮。
而另一項兩片最大嘅分別，係新版為故事注入咗大量嘅時代背景元素。新版影片故事背景訂於1977年嘅德國柏林(亦係原版電影面世嘅年份)，編導為電影故事加入咗唔少同當時德國社會有關嘅歷史元素，如左翼恐怖份子(德國赤軍)肆虐嘅「德意志之秋」，以及77年德國赤軍擄劫「漢莎航空」航機事件；角色之一「離教者」Patricia (「Hit Girl」Chloë Grace Moretz飾演)由於得悉團長Madame Blanc (Tilda Swinton飾)嘅神秘陰謀，於是逃出舞團，但由於加入咗德國赤軍，被Madame Blanc冠以反社會份子嘅帽子。而負責為Patricia診治精神問題嘅醫師Dr. Klemperer (出人意表地由Tilda Swinton易容變裝分飾)，本人竟然都有一條尋妻感情線，夫妻因二戰而分離，妻子落入納粹集中營而死。編導將二戰時期以至七十年代與德國有關嘅歷史事件、元素，混入新版《陰風陣陣》電影故事之中，論故事涵蓋已經超越舊作嘅純粹類型片格式。
其實新版《陰風陣陣》是否一部好戲，好難三言兩語講得清楚，首先其故事內容嘅訊息蘊含量非常之高，若只睇一次恐怕觀眾未必能夠全盤接收；其次係影片呈現嘅神秘主義氣氛，接受與否好視乎觀眾是否對類似嘅神秘學元素是否接受，如果閣下自命理性、對於電影故事起承轉合有嚴格要求嘅，本片恐怕絕不是閣下杯茶。小弟觀畢全片最大嘅感受，就係影片本身正係一場祭禮，編導要催眠嘅就係電影院中嘅觀眾。但係催眠觀眾嘅目的、獻祭嘅對像係乜.....咁就要問返製作人本身啦。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
請按此登錄後留言。未成為會員? 立即註冊