「的士陳」陳偉霆再拍Chanel廣告　眼線指甲成焦點上微博熱搜 精選

「的士陳」陳偉霆自在內地發展後，事業發展可以說是風生水起，先是做了劇集男主，後來又擔任內地Chanel代言人。早前，陳就因為拍CHANEL廣告晒港式英文比人笑到碌地，被網民取笑其口音及表情誇張，建議佢「不如講返中文啦！」。
今日(2/8)有人在微博上放出一組以「的士陳」為主的代言圖片，居然好評如潮，但小編對於呢批網民的反應不敢恭維！即刻睇下發生咩事先?

本來一張相，清清秀秀真係無問題。
但睇多幾張就發現有奇怪地方，搽黑色眼線又塗黑色指甲，成個TBB電視劇中老時常出現的不男不女配角。
雖然，小編知道有不少男士都會帶妝，特別是藝人，但「的士陳」代言圖片中的黑眼線真係好有違和感。
釋出大片後，內地網民唔單止支持仲大讚佢，內容超爆笑!
內地網民紛紛讚好，大讚:「好絕。」、「真的是受不了陳偉霆這個眼神，太撩人了。」、「好酷，太帥了，這指甲好喜歡呀」

這到底是什麼樣的審美?小編只覺得「的士陳」的邪魅一笑非常油膩，陳偉霆早前拍CHANEL廣告晒港式英文已經比人話誇張，神情爆笑，一眾網絡紅人紛紛爭相模仿。唔知今次，有冇人會大膽挑戰下呢?
REF: Weibo