笑話一則：某香港富豪為兒子改名的傳說

話說某城市一有名富豪年青時工作極度勤奮，經常癈寢忘餐，連屋企都冇時間日日返。

佢太太第一胎臨盆時，佢正在公司煩惱一單大生意的計劃。

ＢＢ生出，係仔，太太即叫管家去搵老爺幫個仔改名，管家即時去老爺公司搵佢，告之太太母子平安…………

管：老爺，太太生咗個仔。

富：…………
管：太太想我問你少爺個名，由老爺你作主改名。

富：…………（煩惱工作中…………）

管：老爺，太太佢…………

富：咩呀！理柒佢呀！！（有少少外省鄉音）

之後，老管家便帶住少爺個名給太太；叫『宅巨』


到第二胎太太臨盆時，富豪正在招呼一單大生意嘅客人喺酒家中用膳。

ＢＢ出世，又係仔，太太同様叫管家去搵老爺幫個仔改名。
管家今次學精咗，唔再直接親身搵老爺，怕阻礙佢工作，打流動電話去搵老爺…………

富：喂。

管：老爺，太太生咗個仔。

富：…………（背景係酒家熱鬧聲音，老爺似乎招呼緊，同緊其他人講嘢…………）

管: 太太想我問你少爺個名。

富：…………（背景係酒家熱鬧聲音，老爺聲音好似唔喺電話聽筒邊）

管: 老爺，太太佢…………

富：…………食雞，食雞………… （有些少潮州口音，廣東話聽似『吔雞』…………可能招呼緊客人）
之後，老管家就帶住少爺個新名畀太太，叫『宅佳』。