NogameNolife（中譯：遊戲人生）係一套由日本作家榎宮祐創作既輕小說，改編咗做動畫，最近岩岩上埋電影版。呢套作品之所以咁成功，係因為佢既設定引起好多時下年青人既共鳴。柳臣個人唔特別鐘意呢套作品，但當係成功作品研究，倒值得分析一二。
世界觀用咗近年好興既異世界設定，故事背景講述兩個明明係天才既兩兄妹，但係因為生不逢時被冠以廢青標籤，只能夠係遊戲世界裡面得到滿足。因為係遊戲世界入面，唔需要面對無謂既交際，複雜既人事關係，一切以實力說話，贏就係一切。於是兩兄妹既願望俾異世界既遊戲之神聽到，將佢地拉咗入「遊戲世界」，一個以遊戲決定一切既世界，兩人仿佛重獲新生，覺得呢個先係屬於佢地既世界。
條橋其實好簡單，異世界既世界觀亦唔新鮮，但作者成功捉到人性既盲點：每個廢青都覺得自己生不逢時。佢地討厭呢個世界，覺得努力無回報，覺得點解有啲人做咁少野，自己做咁多野，最後大家得到既係一樣；覺得點解靠關係反而上位，唔埋堆就被批鬥。呢班人唔係覺得自己無能力，而係覺得呢個世界無辦法展現自己既能力，自己被呢個世界埋沒，覺得呢個世界唔適合自己。佢地希望最好每個人頭上一清二楚刻住一個能力值，係因為佢地相信係一個勝負分明既世界，佢地係勝利既一方。
沒錯，人如果減少無謂既交際，無咁多複雜同麻煩，世界會變得單純好多。但係咁單純既世界，係咪真係你可以生活到既世界？一個勝者為王既世界，就必然會製造大量既失敗者。一個有明確目標既世界，就無得推諉，再無失敗既藉口。一個只要努力就有同等回報既世界，就必然會照見到自己有幾唔努力。
你有冇試過曾經因為心裡面出現一絲擔心，擔心如果自己努力完之後出黎既結果，仍然俾人否定，所以索性唔努力？因為唔努力，失敗就唔係因為無才能。最荒謬既係，明明失敗了，卻能活下去了。呢個就係我地身處既現實世界。
NogameNolife係一面照妖鏡，每個人都想攞佢黎照其他人，去證明人地只不過係靠住而家呢個世界既荒謬而得益，並唔係真材實料。但係你有冇諗過，你自己本身都係呢個世界下既一隻妖怪？
講真，你要一個成王敗寇既世界周圍都係，運動世界就係一個咁既世界、拳擊比賽上就只有贏輸、新興運動電競亦然，打機既人何止千萬，你會記得既只有少數勝利者，贏既人得到一切，輸咗就咩都唔係，甚至無人會記得你。遊戲聽落好兒戲，但事實係遊戲比現實世界更殘酷，更講究實力。柳臣知道好多人仍然睇唔起遊戲，但係同時好多人已經進入No game，No life既世界。就連香港出年一月都會有一場國際級電競比賽「K11電競錦標賽」，甚至有中國國家電競隊參賽，可算係亞運電競前哨戰。聽講初賽已經岩岩打完，勝出既「拿C里、Kaho」即使晉身首隊香港代表隊你都未必知道佢地個名，更莫講話輸咗既其他隊伍。好多人幻想既又pure又true既世界就係咁現實，贏既只能一直贏，輸既更加要贏，中間無灰色地帶。
當個樣野客觀咁去分高低勝敗既時候，你敢唔敢面對自己其實係一個失敗者？你係而家呢個世界，仍然可以有丁點兒自信，覺得自己有小聰明、有計仔、小天才，係因為你從來都無去比較過、亦無須要證明、無排名、無數據。而事實係世界上絕大部份既人都係失敗者，所以點解個世界會發展到咁無趣，會令每個人都覺得自己係有才能不被發現，不被了解，正正係想要保護弱者，保護大部份人。因為係呢度，你仲可以自我欺騙，賴係世界既錯，討厭呢個世界。但如果真係有一個NogameNolife既世界，當個世界好公平咁話俾你聽「你係垃圾，你什麼都不算。你以為你是天才？別說笑了！你那點所謂的天分，哈哈哈！根本連個屁都算不上。」到時你就連呢個權利都無埋，你就只可以討厭自己。當然而家你都會係某啲時候認知到呢件事，但你不需要去面對，你仍可選擇逃避，逃避雖可恥但有用，係咪？
呢個係現世界對你既保護，我地都係從個個殘酷既世界逃出黎既懦夫，要我番去？不了。但係時間耐咗，慢慢忘記自己係懦夫既事實，好似動物農莊咁，一開始明明係為咗逃離個樣野，結果後來反而覺得個樣野最好。幻想往往係美好既，所謂隔籬飯香。
呢種想法唔單止令人覺得世界欠咗自己，甚至令我地鐘意對身處勝負分明世界既人指指點點，覺得佢既然身處咁美好既世界，應份做得更好。仲記唔記得曹星如比賽既時候，香港人幾多意見，教佢打拳當然可笑，柳臣甚至見過有人係網上教曹星如比賽既心態，講到頭頭是道。從來無諗過，一個世界冠軍既比賽場，根本係我地呢啲常人無法企及，佢所受既壓力我地根本就無體驗過。對於呢班真係活係成王敗寇既世界既人，我地除咗拍掌，仲邊有資格去指點啲咩？又如新世界第三代接班人鄭志剛積極推動本地電競產業，聯同國家體育總局係香港一個咁荒謬既世界舉辦一場咁大規模既電競比賽，可以想像佢面對既壓力絕對唔細。要知道成功既人從來都係少數，NogameNolife最精彩既地方，就係切中咗每個人都覺得自己係萬中無一既少數，每個人或多或少都覺得自己只要努力，就會成功呢一點。通過作品滿足咗大家既想像，卻又令到大家都輕視咗現實生活中勝利既人面對既環境有幾嚴苛。
一個絕對公道既世界就會唔公平，叢林法則弱肉強食既世界當然最公道，但卻會令到大部份弱者得唔到保障。所以現代社會儘量都令到勝負唔分明，每個人都覺得自己係有才能而被埋沒個個。但對於個啲真係每日都係勝負世界博殺緊既人，無論係體育同電競，我地都不妨多從欣賞既角度，去支持佢地，支持香港既運動員。
世界觀用咗近年好興既異世界設定，故事背景講述兩個明明係天才既兩兄妹，但係因為生不逢時被冠以廢青標籤，只能夠係遊戲世界裡面得到滿足。因為係遊戲世界入面，唔需要面對無謂既交際，複雜既人事關係，一切以實力說話，贏就係一切。於是兩兄妹既願望俾異世界既遊戲之神聽到，將佢地拉咗入「遊戲世界」，一個以遊戲決定一切既世界，兩人仿佛重獲新生，覺得呢個先係屬於佢地既世界。
條橋其實好簡單，異世界既世界觀亦唔新鮮，但作者成功捉到人性既盲點：每個廢青都覺得自己生不逢時。佢地討厭呢個世界，覺得努力無回報，覺得點解有啲人做咁少野，自己做咁多野，最後大家得到既係一樣；覺得點解靠關係反而上位，唔埋堆就被批鬥。呢班人唔係覺得自己無能力，而係覺得呢個世界無辦法展現自己既能力，自己被呢個世界埋沒，覺得呢個世界唔適合自己。佢地希望最好每個人頭上一清二楚刻住一個能力值，係因為佢地相信係一個勝負分明既世界，佢地係勝利既一方。
沒錯，人如果減少無謂既交際，無咁多複雜同麻煩，世界會變得單純好多。但係咁單純既世界，係咪真係你可以生活到既世界？一個勝者為王既世界，就必然會製造大量既失敗者。一個有明確目標既世界，就無得推諉，再無失敗既藉口。一個只要努力就有同等回報既世界，就必然會照見到自己有幾唔努力。
你有冇試過曾經因為心裡面出現一絲擔心，擔心如果自己努力完之後出黎既結果，仍然俾人否定，所以索性唔努力？因為唔努力，失敗就唔係因為無才能。最荒謬既係，明明失敗了，卻能活下去了。呢個就係我地身處既現實世界。
NogameNolife係一面照妖鏡，每個人都想攞佢黎照其他人，去證明人地只不過係靠住而家呢個世界既荒謬而得益，並唔係真材實料。但係你有冇諗過，你自己本身都係呢個世界下既一隻妖怪？
講真，你要一個成王敗寇既世界周圍都係，運動世界就係一個咁既世界、拳擊比賽上就只有贏輸、新興運動電競亦然，打機既人何止千萬，你會記得既只有少數勝利者，贏既人得到一切，輸咗就咩都唔係，甚至無人會記得你。遊戲聽落好兒戲，但事實係遊戲比現實世界更殘酷，更講究實力。柳臣知道好多人仍然睇唔起遊戲，但係同時好多人已經進入No game，No life既世界。就連香港出年一月都會有一場國際級電競比賽「K11電競錦標賽」，甚至有中國國家電競隊參賽，可算係亞運電競前哨戰。聽講初賽已經岩岩打完，勝出既「拿C里、Kaho」即使晉身首隊香港代表隊你都未必知道佢地個名，更莫講話輸咗既其他隊伍。好多人幻想既又pure又true既世界就係咁現實，贏既只能一直贏，輸既更加要贏，中間無灰色地帶。
當個樣野客觀咁去分高低勝敗既時候，你敢唔敢面對自己其實係一個失敗者？你係而家呢個世界，仍然可以有丁點兒自信，覺得自己有小聰明、有計仔、小天才，係因為你從來都無去比較過、亦無須要證明、無排名、無數據。而事實係世界上絕大部份既人都係失敗者，所以點解個世界會發展到咁無趣，會令每個人都覺得自己係有才能不被發現，不被了解，正正係想要保護弱者，保護大部份人。因為係呢度，你仲可以自我欺騙，賴係世界既錯，討厭呢個世界。但如果真係有一個NogameNolife既世界，當個世界好公平咁話俾你聽「你係垃圾，你什麼都不算。你以為你是天才？別說笑了！你那點所謂的天分，哈哈哈！根本連個屁都算不上。」到時你就連呢個權利都無埋，你就只可以討厭自己。當然而家你都會係某啲時候認知到呢件事，但你不需要去面對，你仍可選擇逃避，逃避雖可恥但有用，係咪？
呢個係現世界對你既保護，我地都係從個個殘酷既世界逃出黎既懦夫，要我番去？不了。但係時間耐咗，慢慢忘記自己係懦夫既事實，好似動物農莊咁，一開始明明係為咗逃離個樣野，結果後來反而覺得個樣野最好。幻想往往係美好既，所謂隔籬飯香。
呢種想法唔單止令人覺得世界欠咗自己，甚至令我地鐘意對身處勝負分明世界既人指指點點，覺得佢既然身處咁美好既世界，應份做得更好。仲記唔記得曹星如比賽既時候，香港人幾多意見，教佢打拳當然可笑，柳臣甚至見過有人係網上教曹星如比賽既心態，講到頭頭是道。從來無諗過，一個世界冠軍既比賽場，根本係我地呢啲常人無法企及，佢所受既壓力我地根本就無體驗過。對於呢班真係活係成王敗寇既世界既人，我地除咗拍掌，仲邊有資格去指點啲咩？又如新世界第三代接班人鄭志剛積極推動本地電競產業，聯同國家體育總局係香港一個咁荒謬既世界舉辦一場咁大規模既電競比賽，可以想像佢面對既壓力絕對唔細。要知道成功既人從來都係少數，NogameNolife最精彩既地方，就係切中咗每個人都覺得自己係萬中無一既少數，每個人或多或少都覺得自己只要努力，就會成功呢一點。通過作品滿足咗大家既想像，卻又令到大家都輕視咗現實生活中勝利既人面對既環境有幾嚴苛。
一個絕對公道既世界就會唔公平，叢林法則弱肉強食既世界當然最公道，但卻會令到大部份弱者得唔到保障。所以現代社會儘量都令到勝負唔分明，每個人都覺得自己係有才能而被埋沒個個。但對於個啲真係每日都係勝負世界博殺緊既人，無論係體育同電競，我地都不妨多從欣賞既角度，去支持佢地，支持香港既運動員。
請按此登錄後留言。未成為會員? 立即註冊