好多作者都誤解左「作者要有個人特色」呢句話

柳絮 於 26/10/2017 發表 收藏文章
如果講到寫作,柳臣諗好多人都聽過,話一個作者最梗要有「個人特色」。
但係聽過呢四個字既人好多,真正知道呢四個字點解又做到既人好少。

一般人會點理解「個人特色」呢?好多人會淨係將焦點放咗係「個人」身上,姐係獨有既野,就係你既「個人特色」。
可以話岩一半,但準確黎講就應該話直頭錯!
「個人特色」呢四個字,重點係「特色」,而唔係「個人」。
重點唔係你寫野「個人」定「唔個人」,而係「特色」。
你要先有「特色」,然後個個「特色」係只有你可以寫既,咁先為之「個人特色」。
好多作者寫「自己」,唔係因為佢地有「特色」,而係根本佢地淨係識寫「自己」。
而當你問番佢,咁你自己有咩特色,佢就會支支吾吾,最後俾個毫無意義既答案胡混過去:「我寫自己鐘意既野,我寫屬於自己既文囉!」
此為之只有「個人」而「毫無特色」。
佢地既文唔受歡迎,正因為佢地既文無特色,佢地既人又無人識。
你寫「我點點點」「自己點點點」「小弟點點點」,讀者睇完不免問一句:「你邊位?」

好多作者啲文明明無特色,就夾硬話自己啲文係「個人特色」,無論佢寫咩,都係佢既野,咁自然係佢既「個人特色」。
要做到「個人」有幾難,一個作者求其寫啲野都個人架,你係fb開個post都個人架。
如果「我講自己想講既野」就等於「個人特色」,咁個啲文邊係作家,佢只係公開寫日記咋嘛。
「個人特色」係指你有「特色」得黎,你既「特色」係獨有既,先為之「個人特色」。
係一個作者既文未有特色之前,個作者既個人其實係唔重要,因為無人會理你係邊個。你肯公開日記,讀者還不想看呢!

呢種作者會有咁既誤解,背後係反映其實佢地根本無心寫野,寫野對佢地黎講根本唔係「寫作」。
佢地亦都冇真係把寫作當做「一件事」,無思考過「寫作」呢回事。
對佢地黎講,作者二字是抬舉了他們,佢地只係個人隨筆。

佢隨心寫,讀者隨便看,誰也不把寫作當寫作看。
標籤: 寫作  教學  誤解  讀者  post  

留言


請按此登錄後留言。未成為會員? 立即註冊
    快捷鍵:←
    快捷鍵:→