人生最後一個暑假

唔經唔覺，已經走到人生最後一個暑假。如果下年合格的話，明年既今日柳臣就正式讀完書。
以前叫暑假，而家上到大學大家多數叫sem break。對柳臣黎講，都係叫番暑假最親切。
點叫到好，暑假係年青既特權，足足陪柳臣度過左十年人生。人生有幾多個十年，可能好多，但係有暑假既十年就只有一個，就係當你仲未需要自己謀生計既求學時期。
猶幸柳臣細個既時候，學生既壓力仲未有而家啲小朋友咁大，每逢暑假就真係可以百無聊賴，每日約唔同既朋友去唔同地方玩。人生無幾可會有一段咁長既日子，成兩三個月完全無任何壓力，想做咩就做咩，唔洗準時起身番工番學，唔洗趕功課溫書，唔洗諗deadline。
你可以好充實，又可以好hea。暑假點過，全憑自己決定。暑假既生活堪稱係人生既終極理想，既試用版。

明年之後要出黎做野，再無暑假，生活大概會好難捱。
下一次再見呢種生活，如無意外就要等到退休生活了。
對一個初出社會的年青人黎講，退休實在遠到不能想像。
也不願去想像。

柳臣清楚自己不是讀書的材料，學位拿了就算，其實不拿也罷。要說再讀上去就不了，太辛苦也沒這實力。而且我是長子，家裡也需要我儘快投入社會幫補生活。這幾年的學費早已把家裡淘空。

一眨眼，學生這兩個字已經開始在我身上倒數，人生最後一個暑假也即將結束。
請容我最後一次任性地，在最後幾天的暑假，好好地享受，難得奢侈的百無聊賴。