俾番個貼地既Ｍ記我啦好嗎？

係柳臣記憶中，Ｍ記從來係頹食既指標。食得Ｍ記，不外乎都係貪佢快，方便，同埋平。
但係近年再幫襯Ｍ記，柳臣經常到企在係櫃檯面前，諗好耐都諗唔到食咩。

第一樣令我卻步既原因係：貴咗
以前二十幾蚊可以買個餐，而家已經去到三十蚊起跳。
新飽仲貴，直逼四五十蚊，如果我要食四五十蚊，我仲洗乜幫襯Ｍ記。
咁當然佢會話俾你聽佢又做咗裝修，又變到好似cafe咁，高級咗所以要加價。問題係，邊個去Ｍ記會理佢high唔high class，要嘆既我都唔會揀Ｍ記啦。
當Ｍ記都走向高檔次既時候，到底仲有咩地方可以俾我地平平地食個快餐。
－－－－－等等！先停落黎click入柳臣 fb page俾個like支持下，再繼續睇落去啦－－－－－

第二個令我卻步既原因係：櫃檯唔同咗。
以前一條隊排隊買野食，隔黎就排隊攞野食。就算逼都有秩序。
但而家佢將兩樣野分流，買野食一個櫃檯，攞野食另一個櫃檯。
其實分開唔係問題，但攞野食既地方完全係打仗咁亂。唔洗排隊之後，反而啲係就一堆咁塞曬係度，比起之前仲亂咗。再加上有啲Ｍ記地方細啲野，兩個櫃檯加埋用餐區幾乎連住，混亂既情況更加係長期處於年宵狀態。
一係Ｍ記就乾脆取消埋攞野食個櫃檯，改由員工送餐，咁先至做到減少人龍混亂既問題。

最後就係自動販賣機。
一黎Ｍ記老人家同細蚊仔多，佢地操作不見得就比直接真人落單快。
二黎根本做唔到機器取代人手既功能，Ｍ記最後反而要因此增加人手，一方面管理秩序，一方面搵員工長註教學，一方面仲要加開一個櫃檯負責向無電子貨幣既客人收現金。
繁複既程序可以話完全係自尋煩惱。

其實唔好花埋啲無謂錢搞咁多野，然後又唔方便，又加我價，俾番個平平地既豬柳蛋漢堡我，俾番個貼地既Ｍ記我啦好嗎？