夢想與現實如何去揀?

柳絮 於 15/08/2017 發表 收藏文章
柳臣身邊好多朋友都即將畢業,佢地都開始困惑一個問題。
夢想與現實之間,應該如何去揀擇?
-----等等!揀之前先停落黎click入柳臣 fb page俾個like支持下,再繼續睇落去啦-----
繼續升學還是選擇工作,選一份薪金可能不高工作辛苦但自己比較有興趣的工作,還是走去安安穩穩找一份薪高糧準但自己覺得無意義的工作,像大部份人一樣踏上大道。
選擇夢想,會否太自私?選擇現實,又會否後悔?
這個問題,其實誰也不知道。因為無論怎樣選擇,你都總會後悔。
魚與熊掌不可兼得,因為無論怎樣選擇,都會失去另一樣。
選擇了現實的人,心裡自然想著夢想;選擇了夢想的人,也會嚮往現實的無風無浪。

但柳臣想說的是,能夠有選擇權的人,已經是一種幸運。
最無奈的是,你根本無得揀。
當現實要你低頭,夢想就變得愈黎愈遙遠。
當現實選擇了你,你根本沒有作出選擇的權利。

我們自細被人教導要知自己想做咩,但好多時大過咗,我地都係被告訴應該做啲咩,需要做啲咩,而再無人叫你諗你想做啲咩。
一旦你想反抗,你將被冠以自私,唔成熟,唔識諗的罪名。忽然間你的意願不再重要,誰都要為更大的「大局」著想。
而最大的枷鎖並非來自別人,而是你自己。
因為你真的「成熟」了,你開始識得承擔責任。
就像小時候總想飛上高空,但當你大個之後,就算給你一雙翅膀,也不敢飛。
因為你長大了,變重了,知道跌下來,會痛。
現實是一條大路,你不會讓你有機會飛,但相對也不會有失敗的風險。

諗落廢青先係呢個世界最難做既職業,又冇夢想,又唔洗向現實低頭。
一字記之曰:「廢」廢青表面受盡責罵,實質受盡保護,盡享悠悠自在。廢青兩個字,正正符合了現今的哲學:逃避雖可恥但有用。
多美好,難怪大家都喜歡做廢青。
因為總有一天,我們都不能再廢。

留言


請按此登錄後留言。未成為會員? 立即註冊
    快捷鍵:←
    快捷鍵:→