原來輕鬆應付情緒勒索，你只要記住這三句話！

情緒勒索讓人感到討厭，偏偏對方是你的朋友親人情侶，令你無可奈何，對方百試百靈。
情緒勒索的人喜歡擺出一副全世界我最可憐的樣子，把所有錯都怪在自己身上，在得到你原諒後，卻又態度照舊。
以下是史上最有名的情緒勒索，經典的賣小強橋段。

看完之後，馬上和大家說說應付情緒勒索的三大原則。
謹記這三句話，當你面對情緒勒索時，什麼都不要做，先問自己這三句。
１）幫佢定害佢？
咩為之幫佢？咩為之害佢？佢一做錯野就玩自我放棄式情緒勒索，呢個時候你去理佢，關心佢，原諒佢。
你覺得係幫緊佢？你唔係幫緊身為被綁架作為肉參既佢，而係幫緊綁架自己作為綁匪既佢。
你重視佢，你珍惜你地既關係，所以你想幫佢。但你根本無幫到佢，你只係滿足咗佢，就好似將毒品交俾道友咁，你只係害咗佢。
一個問題，你有冇諗過，佢係咪意識到自己情緒勒索緊你？
佢有心用情緒勒索作用手段既，佢都只係一個仆街。唔值得你幫，唔幫亦都唔緊要，因為佢勒索失敗咗，佢都仲知道自己做緊咩。
更甚既係，如果佢根本冇意識到佢自己用緊情緒勒索，呢個情況更嚴重，姐係佢唔係有心操控你既行為，而係佢根本陷入病態，佢自己都唔覺佢情緒勒索緊你，佢自己都意識唔到自己傷害緊人又傷害緊自己。
佢將佢自己既情緒同你既情緒綁埋一齊。呢種狀態既佢真係需要你既幫助，但唔係你以前咁幫。
你要幫佢走出病態，就必要要佢獨自面對佢既情緒，無人分擔。只有你離開佢，你先幫到佢。因為你既善心，就係佢吸食既毒品。
你愈幫佢，你愈害佢。問問自己，你想幫佢定害死佢？
２）佢綁架自己，點解你要負責俾贖金？
子華神話「阿媽標仔參，邊個俾贖金？」，而情緒勒索其實差無幾，自己標自己參，然後要叫俾贖金？
點講都講唔過去吓話？呢個世界邊有咁著數既買賣。你仲當佢係幼稚園BB？瀨係地下哭扮可憐就有人埋黎ungugu？你係佢老母定佢老師？
一個人會情緒勒索你，證明佢根本唔在意自己既情緒。連佢都唔在乎自己既情緒既話，你作為外人又有咩權利替佢在意？
你係街見到道友吸毒，你係咪捐個肺俾佢一齊吸，然後攬住一齊死？
記住佢先係佢最親既人，佢都唔介意綁架自己既情緒，佢都未交贖金，你急咩？

３）點解會揀你？
最後，如果上面兩個問題都說服唔到你。你問下自己，點解會揀你？點解佢會情緒勒索你？第一條問題講明你只有唔理佢先幫到佢。第二條問題講明佢唔在乎自己。第三條問題既答案，係佢向你賣得小強，證明咗佢都唔在乎你。
無論你當佢係朋友／親人／男友，咩關係都好。佢並不如你在乎佢一樣在乎你。
結論佢係一個唔在乎你又唔在乎自己既爛人。

好多文章講情緒勒索，都話要你對自己好啲，對對方狠心啲。呢啲都係廢話，你可以對佢狠心既，你就唔會煩啦！你就係做唔到絕情。
你可以做既唔係唔理佢，而係學識點樣理佢，先對佢真係有幫助。那怕佢要為此狠狠跌一跤，起碼佢為佢錯誤既行為付出代價，以後唔會再犯。
就好似細路仔出貓咁，你俾佢成功到一次，佢就會習慣以後都用呢個方式去解決問題。當你知道，你幫佢一次，就係害佢一次。
－－－－－如果覺得呢篇文幫到你既！歡迎click入柳臣 fb page俾個like話我知－－－－－