你唔信動物傳心師，但係信算命？星座？風水？問米？碟仙？

騙徒既手法層出不窮，算命佬都話呃你十年八年，動物傳心師話自己可以同動物溝通？
我信架！如果你將世界上所有既動物傳心師綁起送去森林既獅子老虎旁邊，然後死剩個啲我就信佢。
既然你相信自己可以同動物溝通，咁值得搞個真人show，睇下邊個成為泰山？

－－－－－柳臣page，花你兩秒like咗page先繼續睇落去－－－－－
但講番轉頭，你話動物傳心師利用人對動物既愛，好賤格。我又唔覺得喎！你咁蠢，唔呃你都對唔住自己啦！人同人都未做到心靈感應啦！人唔係動物啊？佢心靈感應唔到你，佢心靈感應到你隻狗？
講起俾人呃，中國人幾千年黎都鐘意被人呃。無論迷信係風水啦、算命啦、星座啦、請神啊、問米啊、碟仙啊！中國人根本幾千年黎最鐘意玩呢啲！
動物傳心師死蠢在你玩就玩，咪講科學，你咪講吓天地玄黃啊，奇經八脈、陰陽五行啊！中國人係會信架喎！你睇每年幾多人去拜神？
佢心底裡都信佢同神傳到心架！呢啲人同動物傳心師有咩分別？最多咪叫佢地神靈傳心師！

望住張相就傳到心唔係最好笑。有咁多人信個吓真係笑到我死。