【當作者睇唔起讀者，讀者就會睇唔起作者】

我成日提醒自己，我寫野點解要開page， 因為我係寫俾人睇，唔係寫俾自己睇。
－－－－－－－柳臣page，花你兩秒like咗page先繼續睇落去－－－－－－－
讀者唔係上帝，唔係你地想睇咩我就寫咩，但係我絕對唔可以先睇唔起讀者，因為我係為咗讀者而寫野，你地係我服務既對象。當作者睇唔起讀者，讀者亦唔會睇作者。變咗你有你寫無人睇，讀者有讀者自己睇其他野，咁無論你想分享，想改變，想傳達啲咩，無人睇根本做唔到作者想做既野。
一個作者，如果蔑視讀者，甚至企係讀者既對立面，我唔認為係作者應有既態度。我會話完全唔理讀者既作者，係好自大。我係作者，但我唔係神。深入了解你既受眾想要啲咩，係作者既責任。

情形就好似你口渴想買水，但間鋪淨係賣紅酒。就算枝紅酒幾好飲，你都唔會買。因為間鋪冇了解到你需要啲咩，而你亦只會去其他鋪頭買水。水雖然好cheap，但係你就係只需要一枝水。
以此文警戒自己，唔好做個同讀者對立既作者。

你唔理讀者想睇啲咩，讀者都唔需要理你想寫啲咩。
寫作唔應該係作者同讀者既角力，亦唔應該係兩條平行線。