搞唔起,正正就因為佢地睇唔起網絡,睇唔起個市場!

柳絮 於 13/05/2017 發表 收藏文章
搞唔起,正正就因為佢地睇唔起網絡,睇唔起個市場!自己都覺得自己唔值錢,人地點會俾錢你?
成班網絡寫手日日就係度鬥窮!痴線!唔知以為係丐幫大會?

你睇唔起市場,市場自然睇唔起你。市場從來都係難既,無一個市場會主動送錢俾你。一定係你好辛苦咁去搵番黎,出套電影都盡量諗點賣周邊啦!而文手最衰既性質就係自己寫左D野,就覺得有麝自然香,乜到唔洗做,就應該有人排隊黎欣賞自己。問心有幾多個咁既天才?唔係既就唔該俾番個搵食既格出黎,咪成個行乞咁。

文要寫得好睇,要寫到市場岩睇,要做宣傳,要相信自己寫出好既作品之餘,要令佢變成有價值既「商品」。咁先會吸引市場黎買。其實市場係一定會消費,反而市場係一定唔會俾錢乞衣。你標榜自己窮,自己搵唔到食,你就只會繼續搵唔到食。因為你窮,關個市場春事,市場無責任養窮人,市場係養好既商品,好既商人。

你地唔做唔該行埋一二邊,大家黎支持我地。支持柳臣,支持小心輕看。我地好努力咁搵方法賺錢,由稿費到訂閱到廣告到而家積極籌備緊搞youtube,就係要證明好既網絡文絕對有市場價值。

多謝每一位click我D文黎睇既人,你地每一個click,我都有錢收既。四月賺到百幾蚊,雖然唔多,但係呢個係市場俾我既feedback。如果大家覺得我值得更多收入,想我有更多時間寫文既,就click多啲我係FanPiece既文,share出去等其他人click黎睇。
同樣,月刊一樣,佢既市場價值,係由大家去決定。每一個訂閱小心輕看既人,我地都係會實際收到錢,支持緊我地既文章繼續印落去。

與其浪費時間支持啲全職呻窮既文人,不如訂閱我地,等我地可以投放更多時間心力去做更多更好既文章回饋番個市場。

小心輕看(訂閱):https://goo.gl/forms/EtCaF1t2ZGjgWj812
標籤: 網絡作家  網絡    寫手  全職  

留言


請按此登錄後留言。未成為會員? 立即註冊
    快捷鍵:←
    快捷鍵:→