唔撐到尾，咁點解要開始

話說尋日跑渣打半馬，咁跑到就死既時候，見到呢句標語。
雖然呢句已經寫得好好，但係俾我改少少既話，我會改做「撐唔到尾，咁點解要開始」

有啲事，一定要撐到有結果先有意義。
中途放棄，同無開始過係無分別。「志在參與」係一句呃人又呃自己既失敗者口號。唔想贏，咁做咩要落場？
唔係話你撐到尾就一定會贏，而係大部份人失敗既理由都唔係輸，而係認輸。
奇蹟係永遠唔會降臨係認輸認命既人身上。只要信有奇蹟，奇蹟就會發生。
撐唔到最尾，咁點解要開始？
一開始，就要撐到最後，那怕全世界都睇你唔起，那怕每一個人都叫你放棄。那怕你已經滿身傷痕，那怕你已經唔再相信自己。
你都無資格認輸。
因為呢個世界，只有你，可以令你成功。

自己揀既路，跪著也要走完。

成功唔係充滿笑容，努力然後得到認同，回報，收獲。
成功係充滿痛苦，輸到仆街，被人恥笑，在地上爬行了無數的日子，然後看不到希望。然後一直重覆重覆這些經歷一百一千次，直至成功。