點啊！香港係咪以後都唔可以有娛樂架啦？ 精選

香港一直比ＴＶＢ罷住個娛樂，香港人已經好耐冇娛樂，想話笑下輕鬆下都唔得。
ＯＫ，咪唔睇ＴＶＢ囉！ＦＩＮＥ！唔做港豬。

我知而家香港打緊仗，我知全民退保，網絡２３條就過，高鐵一地兩檢，李波又被公安捉左，林鄭仲踩住兩隻假海豚。
喂！而家無話唔理政治喎！咁係咪係香港獨立之前都唔比笑唔比開心先？點解睇１００毛搞個分獎典禮都會受到本土派既攻擊？
而家玩緊木頭公仔？「木頭公仔唔准郁、唔准笑」？
難得有個台，認真制作，直頭去伊館開埋show。
咁個ＳＨＯＷ好睇，香港人笑下都唔得？
搞政治搞到傻左咩？

「１００毛抄抄子黎既！幫俞琤洗底！何韻詩黃絲文化監暴喎！低級趣味！ＯＮＸ當有趣！」
點啊！香港係咪以後都唔可以有娛樂架啦？
我想搵Ｄ娛樂開心下姐，你理得我高級定低級姐？
各位本土派大哥，真心請你地高抬貴手，放香港人一馬啦！
比我地開心一日咁多啊！
你地識得罵劉慧卿四方Ｘ，你地自己又唔諗下自己係咪同樣「乜Ｘ都唔啱」？何必憎人開心厭人愁呢？我睇唔到欣賞個ＳＨＯＷ點樣破壞香港抗爭喎？
睇ＴＶＢ就港豬，睇１００毛就黃絲左膠！總之唔係每分每秒睇你精闢既政評就要批鬥？
你唔鐘意睇，咪唔好睇囉！做咩要逼全香港人陪你苦口苦臉？

各位網絡本土派勇士，我知各位英雄好漢要征戰四方。
但我真心覺得個ＳＨＯＷ好睇，開心一晚姐。打仗有時都要犒賞三軍啦！

唔知大家仲記唔記得，２０１３年既時候，黃鴨到港。
「本土派既敵人」左膠鄧小樺當年留下一句：「廉價快樂」。
個時個個都識罵佢，今日點解唔用番同一個標準去量度自己？
你既抗爭就高尚，人地既快樂就低俗廉價？你曲高和寡係你既事，唔好阻住我「低俗廉價」既快樂好嗎？

引用墳總一句話：「不抗爭的人，看甚麼都不會抗爭。」
抗爭既人，亦唔係睇完個ＳＨＯＷ笑完之後變左左膠，港豬。
ＳＯ，ＨＥＹ！ＲＥＬＡＸ，ＭＡＮ～