點解人類鐘意叫春?

柳絮 於 01/03/2018 發表 收藏文章
人類其中一樣同其他畜生唔同既地方,就係人類會發好多時間係「無謂」既叫春之上。
時常傷春悲秋,對人黎講,解決問題既重要性,甚至仲比唔上解決自己既情緒黎得重要。
面對問題,我地需要時間去蘊釀情緒,調整心情進入狀態;面對挫折,我地需要安慰,抱怨,我地第一時間會想釋放個種唔開心既情感,反而「理論上」最迫切最重要既問題本身,會先俾我地擺埋一邊。

人類同機械人同畜生既分別,係心。我地唔係生出黎為咗解決問題,我地係為咗「解決自己」。
因為自己,永遠比問題重要。係心既框框之下,我地個心所涉及既先係世界既全部,因此心即世界。
無問題比令自己覺得好受更重要,所以點解我地會將所有因素都放後,率先處理在自己既情緒問題先。
好主要既原因係情緒決定咗你點睇呢個世界,點睇件事,如果你解決到你既情緒,其實件事解唔解決到,已經對你無足輕重。

有人會好唔理解呢種「唔理性」既反應,覺得點解好多人都唔係解決件事,解決情緒有咩用。
病入膏肓者更會覺得自己高人一等,係因為對方蠢,哂時間。
但其實呢種人先係逃避情緒,將情緒隔離,逃逸自己個心既人,亦因為咁,佢地都冇辦法理解別人既心,無能力去了解身邊既人。
人對情緒既需求,往往比我地想像更重要。

最即時受事情影響既就係我地既情緒,而件事只係因為影響到我地既情緒,令到我地覺得不得不作出反應。
所以解決咗情緒呢一part,我地就會覺得自己解決咗件事。
而係呢種情緒扭曲之下,產生既自然係無窮無盡既叫春。

留言


請按此登錄後留言。未成為會員? 立即註冊
    快捷鍵:←
    快捷鍵:→