青春就是柒柒的進行曲

何東beat你唔係未聽過吓話？

每次有呢啲柒片出，就會引起一輪無謂既罵戰。就同中學生應否談戀愛一樣，大學生應否Dem Beat都係每年一度既熱話。有人覺得柒，覺得洗腦，覺得係反智。
亦有人覺得青春，覺得回憶，覺得係傳統。兩邊非要拗個你死我活不可。
你問柳臣，柳臣就會話Dem Beat係「又柒又洗腦又反智既青春既回憶既傳統」。Super！打和啦～兩個立場本身就冇衝突。
－－－－－等等！先停落黎click入柳臣 fb page俾個like支持下，再繼續睇落去啦－－－－－
　
你仲記唔記得，個個攞住老套到爆既鮮花係佢屋企樓下既你？
你仲記唔記得，個個為咗考試喪操past paper既你？
你仲記唔記得，個個好開心一班人一齊做啲低B野既你？唔柒咩？唔洗腦咩？唔反智咩？
　
我相信你今日同朋友講番起呢啲舊事，你都會笑自己當年幾咁柒。
我相信你而家都唔會再做呢啲柒事。因為而家既你好有「智慧」，好有「獨立思考」，好「成熟」。點講你都已經唔係當年個個渴求埋堆既你，你亦早唔係個個做事前唔太識計較清楚既你。

你要笑佢地柒，洗腦，反智，你說得很對！我也想不到什麼反駁，只因青春就是柒柒的進行曲。