男女之間到底有沒有純友誼?

柳絮 於 30/01/2017 發表 收藏文章
男女之間到底有沒有純友誼,呢一個問題可以出現係兩個語境之下。
你驚佢溝你。或者,你驚佢唔溝你。
前者不論男女,當異性對你有一啲特別既舉動既時候,而你又唔鐘意對方,就會好自然諗,對方係咪為咗追求自己先咁咁咁做,佢既行為背後係咪有目的。
所以你先會想知到底男女之間係咪冇純友誼。

但係其實諗清楚之後,就會自然明白呢個問題,根本唔係問題。
因為無論個答案係「有純友誼」,定「無純友誼」,都唔會改變你只當佢係「朋友」,既然你自己都明白你對佢只有友誼,咁又何必理會世上有冇「純友誼」呢?

你又話,咁我驚佢對我有意思嘛!反問一句,佢對你有冇意思,同呢個世界有冇純友誼......有咩關係?
佢真係對你有意思,唔代表呢個世界上就無純友誼,反之亦然。
所以「男女之間到底有沒有純友誼」這真正意義,其實是「你能不能只對我有純友誼」。

那問題就簡單得多了,對方一日沒有超越你心中的界線,你們自然是正常不過的友誼。
到那一天,他突然腦袋抽了,做了什麼「超越友誼」的事,而你又覺得不能接受,那時候再拒絕對方好了。
總不能一直防著所有人,那得有多累。而且關係也不是一成不變的,縱使他今天真的當你們之間是「純友誼」,也難保一天他突然改變想法。
相反即使他今天「不純」,說不定過段時間也會變。

說到底,男女之間到底有沒有純友誼。
呢個問題既答案係無意義架!因為有冇純友誼唔到你話事。
佢鐘意你,不管世上有沒有純友誼。
另一邊廂,只要佢唔鐘意你,你就係佢既純友誼。
關係唔係單向架,換言之只要有一方對另一人毫無感覺,那雙方就根本純得很。

如果喜歡我們的文章,請即分享到︰

標籤: 純友誼  異性  friendzone  關係  鐘意  

留言


請按此登錄後留言。未成為會員? 立即註冊
    快捷鍵:←
    快捷鍵:→