欣宜又唔係靠你老母上位

柳絮 於 02/01/2017 發表 收藏文章
尋晚叱咤欣宜攞獎,好多人都話佢到今時今日都仲要消費老母。
香港人永遠只會著緊啲唔關你事既事上面。欣宜消費老母,關你叉事?欣宜又唔係消費你老母,你咁緊張做咩?
你既非欣宜老母,亦非欣宜老竇。成件事最多係娛樂圈一件家事,又幾時輪到你呢個局外人出聲?

人地得獎攞咩出黎講,將咩掛係口邊,用咩手段上位,通通都無問題。
搵食啫!犯法啊?
欣宜唔靚,唔瘦,無身材,結果唔受歡迎,但偏偏有個星媽,再加上香港人最鐘意人賣可憐賣努力搏同情,完全係迎合市場口味,可以話姣婆遇著脂粉客。
唔係黃家強點可以憑住黃家駒一直到而家都仲有得撈?

香港人又要受呢套,又要事後扮清高。
反問你自己,你就無消費過老母咩?你就唔想成功靠母幹咩?你當然都消費過,甚至消費緊,只係你老母無人識姐!
邊個唔係由出世開始就消費老竇老母,唔通你唔抵得欣宜有個老母足以被佢消費一世咩?咁大家都係賊,你何必五十步笑百步?
佢自唔自立,戒唔戒奶,都係個句,關你叉事?你同欣宜又無關係,你同佢老母又無關係,幾時你負責埋幫佢老母教女?
講到底,你只係唔鐘意佢消費成功。

柳臣fb:https://www.facebook.com/%E6%9F%B3%E8%87%A3-802134759816720/

如果喜歡我們的文章,請即分享到︰

標籤: 欣宜  肥姐  女神  叱咤    

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→