大家好，我係柳臣！
一個作者由諗到題目開始，到真係刊登出一篇文，到底要花幾多時間呢？
今次用我自己柳臣做一個例子，公開我寫一篇文到底要付出幾多時間同心血。
一、諗題目（時間：／）
諗寫咩既時間就唔計算在內。因為諗題目係隨時隨地都係度進行，無論我係邊度，同朋友食緊飯，一個人沖緊涼，我都會隨時諗到一啲想寫既題目，一諗到就會搵手機記下啲key word。
呢個係我手機備忘錄既畫面：只要我諗到靈感，就會全部寫低先，有時唔一定會用到，只係一個概念，或者得一句好無里頭既句子，唔知幾時用到。手機上面十幾頁備忘錄全部都係靈感，到要寫文既時候就會翻出黎睇番。
二、揀題目（時間：10-30分鐘）
係動手諗點寫之前，仲有一個步驟。就係將所有靈感分類，唔係備忘錄太亂根本唔知自己睇緊咩。
我會將唔同既靈感用電腦做好分類，咁每次只需要打開個txt，就可以知道自己打概有啲咩題目。
（唔睇唔知，都儲咗幾多野。。。。。。）
三、諗編排結構（時間：10-30分鐘）
揀定題目之後，就會正式諗點寫。呢度所謂既結構唔係大家平時作文會寫大綱之類，而係大概要諗下自己篇文想呈現一個咩畫面俾讀者，讀者睇完會有咩反應。
篇文既風格係點？搞笑定正經？用書面語定口語？有冇粗口？etc...
四、正式動筆（時間：15-50分鐘）
將上述既野定調之後，就會正式寫。視乎篇幅，一千字之下既文，大概20分鐘到就寫完。
五、設計標題（時間：30-45分鐘）
但係如果你以為寫完一篇文，我就可以休息，咁就大錯特錯啦！真正辛苦既野而家先開始。
寫文咋嘛！有邊個唔識？個個打開fb就係作者架啦！咁網絡作者同一般人係fb出個post有咩唔同？而家最流行既後製加工，就係諗標題。同一篇文，到底標題要打咩字？用問句定陳述句？
當大部份網絡作者都已經識得寫啲最誇張最吸引人既標題，咩「三招教你ＸＸＸ」、「你所不知道的」既時候，點可以做得個標題更好？
柳臣每次寫完文之後，我都會上google trends去查下，同一個意思既字，到底邊個字近期比較多人搜尋。
「行動，行為，舉動，行徑」，你揀用邊個？放上google trends一查，你就知邊個字，係邊個地區最hit。
一篇文要多人睇，首先都要多人搵到個篇文先得架！所以連標題上面既一個字都唔會放過。
差唔多個半鐘過去，一篇文仲未出得街。。。。。。
六、整封面（時間：3-5小時）係，你無睇錯，係整封面，係3-5小時。
你試回想番你平時見到篇文既時候會睇到啲咩資訊？作者icon，篇文標題，一句caption，但係佔最大版面既一定係篇文既「封面」。
最能夠吸引到新讀者既，係封面；最能夠令老讀者一眼就知篇文係你寫既，係封面。
我係用ps整而家既封面，要諗有咩關鍵字要出現、咩素材岩篇文啦、退地、較字型、上效果、排位，其實好多細節位上既微調係大家睇圖既時候未必會睇到，但係忍唔住去較到最好為止。
每次整封面係最辛苦，因為自己唔擅長，所有野都要慢慢去學，一學可能又要再花多一兩個鐘。
而且唔同既平台有唔同既縮圖比例，必須要反覆試好多次。
七、投稿（時間：10-30分鐘）
搞惦曬就可以準備投稿，因為而家既網絡作者多數都無自己平台，只能靠投稿去其他平台曝光。
除咗要揀適合既平台之外，如果係自主性較高既平台，投稿之外仲需要做好多設定，柳臣比較著重既就係排程時間。
盡量睇番個平台邊個時間最多人上線，排定係個個時間出文，就可以爭取多啲讀者。
八、諗宣傳（時間：5分鐘）
最後一步，多數讀者係社交平台睇到篇文，仲會睇到個post有句caption，咁所以係自己個page上面個句到底要打咩，柳臣都會花時間去諗。主要以吸引到讀者停留為目的，要簡短得黎又有趣，有時都要花啲心思先可以。
你用三分鐘睇一篇文，其實柳臣係背後做咗咁多野，而每一篇都係反反覆覆咁經歷呢個過程。
總括簡單可以分成三部份：
一至四係「事前準備」；五、六係「後製」；七、八係「出版工作」。
就係咁，呢個大概就係柳臣既寫文流程。由揀題目到大家睇到成品，大約4-8個鐘。
希望公開完大家對網絡作者既寫作流程多咗了解啦！想要了解柳臣更多，歡迎到我fb同我傾下謁～
一個作者由諗到題目開始，到真係刊登出一篇文，到底要花幾多時間呢？
今次用我自己柳臣做一個例子，公開我寫一篇文到底要付出幾多時間同心血。
一、諗題目（時間：／）
諗寫咩既時間就唔計算在內。因為諗題目係隨時隨地都係度進行，無論我係邊度，同朋友食緊飯，一個人沖緊涼，我都會隨時諗到一啲想寫既題目，一諗到就會搵手機記下啲key word。
呢個係我手機備忘錄既畫面：只要我諗到靈感，就會全部寫低先，有時唔一定會用到，只係一個概念，或者得一句好無里頭既句子，唔知幾時用到。手機上面十幾頁備忘錄全部都係靈感，到要寫文既時候就會翻出黎睇番。
二、揀題目（時間：10-30分鐘）
係動手諗點寫之前，仲有一個步驟。就係將所有靈感分類，唔係備忘錄太亂根本唔知自己睇緊咩。
我會將唔同既靈感用電腦做好分類，咁每次只需要打開個txt，就可以知道自己打概有啲咩題目。
（唔睇唔知，都儲咗幾多野。。。。。。）
三、諗編排結構（時間：10-30分鐘）
揀定題目之後，就會正式諗點寫。呢度所謂既結構唔係大家平時作文會寫大綱之類，而係大概要諗下自己篇文想呈現一個咩畫面俾讀者，讀者睇完會有咩反應。
篇文既風格係點？搞笑定正經？用書面語定口語？有冇粗口？etc...
四、正式動筆（時間：15-50分鐘）
將上述既野定調之後，就會正式寫。視乎篇幅，一千字之下既文，大概20分鐘到就寫完。
五、設計標題（時間：30-45分鐘）
但係如果你以為寫完一篇文，我就可以休息，咁就大錯特錯啦！真正辛苦既野而家先開始。
寫文咋嘛！有邊個唔識？個個打開fb就係作者架啦！咁網絡作者同一般人係fb出個post有咩唔同？而家最流行既後製加工，就係諗標題。同一篇文，到底標題要打咩字？用問句定陳述句？
當大部份網絡作者都已經識得寫啲最誇張最吸引人既標題，咩「三招教你ＸＸＸ」、「你所不知道的」既時候，點可以做得個標題更好？
柳臣每次寫完文之後，我都會上google trends去查下，同一個意思既字，到底邊個字近期比較多人搜尋。
「行動，行為，舉動，行徑」，你揀用邊個？放上google trends一查，你就知邊個字，係邊個地區最hit。
一篇文要多人睇，首先都要多人搵到個篇文先得架！所以連標題上面既一個字都唔會放過。
差唔多個半鐘過去，一篇文仲未出得街。。。。。。
六、整封面（時間：3-5小時）係，你無睇錯，係整封面，係3-5小時。
你試回想番你平時見到篇文既時候會睇到啲咩資訊？作者icon，篇文標題，一句caption，但係佔最大版面既一定係篇文既「封面」。
最能夠吸引到新讀者既，係封面；最能夠令老讀者一眼就知篇文係你寫既，係封面。
我係用ps整而家既封面，要諗有咩關鍵字要出現、咩素材岩篇文啦、退地、較字型、上效果、排位，其實好多細節位上既微調係大家睇圖既時候未必會睇到，但係忍唔住去較到最好為止。
每次整封面係最辛苦，因為自己唔擅長，所有野都要慢慢去學，一學可能又要再花多一兩個鐘。
而且唔同既平台有唔同既縮圖比例，必須要反覆試好多次。
七、投稿（時間：10-30分鐘）
搞惦曬就可以準備投稿，因為而家既網絡作者多數都無自己平台，只能靠投稿去其他平台曝光。
除咗要揀適合既平台之外，如果係自主性較高既平台，投稿之外仲需要做好多設定，柳臣比較著重既就係排程時間。
盡量睇番個平台邊個時間最多人上線，排定係個個時間出文，就可以爭取多啲讀者。
八、諗宣傳（時間：5分鐘）
最後一步，多數讀者係社交平台睇到篇文，仲會睇到個post有句caption，咁所以係自己個page上面個句到底要打咩，柳臣都會花時間去諗。主要以吸引到讀者停留為目的，要簡短得黎又有趣，有時都要花啲心思先可以。
你用三分鐘睇一篇文，其實柳臣係背後做咗咁多野，而每一篇都係反反覆覆咁經歷呢個過程。
總括簡單可以分成三部份：
一至四係「事前準備」；五、六係「後製」；七、八係「出版工作」。
就係咁，呢個大概就係柳臣既寫文流程。由揀題目到大家睇到成品，大約4-8個鐘。
希望公開完大家對網絡作者既寫作流程多咗了解啦！想要了解柳臣更多，歡迎到我fb同我傾下謁～
請按此登錄後留言。未成為會員? 立即註冊