巴士司機有冇情緒，關我鳩事？

新聞報道「乘客埋怨遲到10分鐘，疑車長發難狂掟彎。」，然後又出現咗啲好痴撚線既講法。
例如：「巴士司機都係人。」、「前線服務業唔係俾你地屌既！」講到好似因為巴士司機被人屌完，所以殺人放火都值得體諒咁。
當中最出位既講法莫過於下面呢則貼文，節錄俾大家睇下：
呢篇野係黎自一個叫「TAI PO 大埔」既fb專頁，大家有興趣睇原文可以自己搵番黎睇。

如果情緒係可以成為係自己崗位發洩既藉口，咁要專業資格黎做咩？
你之所以要考牌，之所以係專業人士，唔單係因為你識揸車喎，揸車我夠識揸啦！
你既專業資格就係為咗保證你可以係唔同壓力下完成任務，呢個先係專業同業餘既唔同，姐係講白啲就係點解你揸車有錢收錢，而我揸車仲要自己入油。

如果呢個邏輯講得通，呢個世界既打工仔就開心啦！
個個聽日即刻攞把西瓜刀番去，你老闊一屌你，一令你有壓力，一令你有情緒，你就斬佢十九碌。因為香港人係覺得咁係合理？情有可原？係咪都符合「體諒」既原則呢？

大學生被壓迫到咁，難怪會講粗口。警察好大壓力，難怪會警棍亂揮。巴士司機都好大壓力，害死咁多人都值得體諒。
嬲係你既個人情緒，如果你放咗工之後去殺佢全家，我一啲意見都冇。你要點發洩係你既事。
但你而家係自己既工作崗位上，因為自己既情緒影響，導致失職，甚至因為呢個失職而令到咁多無辜既人受害。
有咩值得體諒？

退一步講，就算唔當份工係專業，要有職業操守都好。你都有基本作為一個人既尊嚴掛？
如果嬲係發癲既理由，你基本上只當自己係無自我控制能力既畜生。你有情緒，係唔關我事，唔關車上既乘客事，唔關巴士事，唔關交通事，唔關巴士司機呢份工事。
有咩理由你利用咗你份工既職權去發洩，然後要我體諒你？