如何消滅一個英雄

柳絮 於 05/07/2016 發表 收藏文章
唔知大家覺唔覺得,香港呢幾年,突然多咗好多英雄。
英雄輝,英雄林榮基,英雄何韻詩,英雄消防員。
英雄多有咩問題?首先,要知道英雄係唔會單獨出現,有困難,有危險,有普通人無法解決的難題,英雄先會隨之伴生。
英雄係一般人對自身無力感既投射,希望透過創造英雄,讓英雄替自己解決麻煩。

舉其中一個做例子,如果你問我,林榮基先生係咪英雄?係。
但係一個悲劇英雄,英雄分兩種,一種功成名就,一種悲劇收場。
香港大部份都係後者。
大家只會歌頌佢勇敢,同情佢既悲慘,但無人會希望佢成功對抗敵人。
冇人會站出黎用行動同佢一齊對抗敵人。
我們都是林榮基,只是一個象徵式的口號。最後只有林榮基一個人是林榮基。
因為他是英雄嘛!我知道我們應該像他一樣,但我不會,所以他才是英雄。

如何毀滅一個英雄?很簡單,把他當成我們的保護罩就成了。
破了,就換另一個,破了,就換另一個。
這才是香港英雄輩出的原因:即用即棄。
我們把英雄當成守護自己免於危險的保護罩,卻不想想應該保護香港的,是我們每個香港人的責任,而不單是一個英雄。
我們把不想負的責任拋給我們自己創造的英雄,一個又一個送他們去死。

對方是英雄,你不是?那你更加應該保護他。
因為平凡普通的人是無窮無盡的,而如果我們再這樣不斷浪費英雄,英雄總會有被消耗殆盡的一天。
英雄之所以為英雄,不是他有多強,而是他願意對抗比自己強大的敵人。
但別讓林榮基先生一個人做英雄,要做,就全香港人一齊做。
這也是保護英雄的方法,只有當每一個人都是敵人要對付的眼中釘,都是敵人迫切渴求跨境綁架的眼中釘。
英雄自然降低被殺的風險。

的確,我們很多時都......無能為力。
只有悲慘的世界,才會如此頻繁地盛產英雄。
我們如此需要他,又如此希望不需要他。
沒有英雄,就再沒有悲劇了吧?我們心裡美好地幻想著。

如果喜歡我們的文章,請即分享到︰

標籤: 英雄輝  林榮基  何韻詩  消防員  英雄  

留言

會員
我要評論
請按此登錄後留言。未成為會員? 立即註冊
  • SoccerFan
    SoccerFan 於 06/07/2016 評論 NO. 1

    林榮基話中央專案小組畀咗部電話佢作為聯絡,但咁緊要嘅物證佢居然消滅咗??何韻詩向𡃁琴施予政治壓力,人哋做生意,搵佢宣傳 promote,人哋諗過弊多於利,咪唔搵你攞,人哋出錢請人返嚟,都無自主權?都唔可以自決?

快捷鍵:←
快捷鍵:→