失戀太少

柳絮 於 07/08/2017 發表 收藏文章
愛過的 成熟了 犯錯只因失戀太少
原來不只拍拖,寫作也是一樣。

雖然話為左寫野去談戀愛好仆街。但係如果你真係想寫啲感動到人既野,首先你要學識被感動。當你經歷過,感受過,你再去創作既時候可以捉住既感覺,同幻想係唔同好多,真實好多。

試過熱戀,你先知有時「一個笑容」已經係完美既形容詞。
試過極痛,你先知道有啲痛,根本唔係「眼淚不禁流下」咁簡單。
試過放棄,你先明白「無可奈何」呢四隻字既重量。

柳臣總係覺得,拍拖同寫作某程度上十分相似。唔了解對方,唔了解自己既人,係特別容易拍唔成拖。寫作何嘗唔係呢?寫作既本質都係要了解自己,將自己逐片解剖,交自己個心俾讀者,將所有最深處既野都寫出黎俾人睇。同時了解對方(讀者),了解人係點諗野,了解佢地需要啲咩。寫作大師,必定是通曉人性既人。
所以我曾經開玩笑咁講,一個寫野叻既作家,佢必然係一個情場高手,出色既player。因為佢太了解你點諗,又善於講故仔,隨時呃左你都唔知,所以千祈唔好同佢地拍拖~XD
-----等等!先停落黎click入柳臣 fb page俾個like支持下,再繼續睇落去啦-----

而家啲人寫野寫得唔好,好多時一係經歷唔夠,無野好寫只能靠空想;一係寫既時候挖掘自己得唔夠深,無將自己最真實既感受寫出黎。

如果喜歡我們的文章,請即分享到︰

標籤: 失戀太少  未拍過拖  a0  創作  無人鐘意  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→