【多圖】一場天鴿颱風，見盡港人醜態 精選 推薦

有啲野真係不吐不快，天災係一件涉及人命嚴重事件，唔係要黎開玩笑，亦唔係要黎俾你玩。
柳臣以為呢啲野應該係幼稚園有教，而唔需要柳臣而家提到既時候好似恐防有人唔知咁，要先旨聲明。
但係尋晚睇到香港人既行為，實在係嬲得黎又不禁令柳臣覺得香港人有多可悲。大家看看下面各幅精彩截圖，就知道到底有幾離譜。

facebook個平安通報站係為左係災害發生既時候，提供即時同民間求救既手段，唔係要黎玩架！！！

太多太多，大家可以自己去睇吓，真係嘆為觀止，你點都估唔到香港咁多咁無質素既垃圾。咩人都有，不分男女老幼。如果唔知，你會以為係一班小學雞腦囟未生埋。係咪真係咁好玩？你同去玩999有咩分別？
「車！又無死人！」你點知？你點知今次無？你點知下次無？你玩個時，你點知？咁大個人點解可以咁kai咁白痴架？香港人係咪真係活得太安逸，連危機意識都無？仲有你今次濫用，到真係天災人禍既時候，你點知到時fb經過今次仲會唔會開俾你「玩」？到時真係有事呢啲人就冚家鏟。
條片可以click入去睇，八號風球以上，地鐵因為安全理由唔會行露天路段等既基礎安全知識，甚至應該話生存知識，香港人唔識又唔理。去怪人地點解唔通知，而唔怪自己點解咁無知。又荒謬又好笑。
https://www.facebook.com/channer.ho/videos/189613508246200/

除左上述個啲，專登去玩命既又有。真係頂你個肺，你係墮入愛河就索性跳落去死左佢一了百了啦，咪on9當有趣。


天災人人都唔想，但係一個地區既發達定沉淪，往往更重視既係個個地方既人既品質。一場天鴿颱風，見盡港人醜態。質素如此低下，又如此欠缺危機意識既人，係真正遇到災禍既時候，就係最無能力救生個批。

p.s.所有cap圖既樣同名柳臣都無摭，呢啲會隨時危害自己生命既人連畜生都不如，等大家見到佢地快啲退避三舍，廢事殃及池魚。柳臣都好少寫文打咁多粗口，但係今次好認真，呢件事真關乎人命既時候，可唔可以嚴肅少少對待？唔好咩都攞黎玩？