個個都蒙面,你估個個都想蒙面咩

柳絮 於 05/08/2017 發表 收藏文章
全城熱捧蒙面番大陸參加《中國有嘻哈》既mc jin,一時之間mc jin風頭無兩,香港人個個變成嘻哈友,mc jin粉絲。
但係個個都蒙面,你估個個都想蒙面咩?原來個個都蒙面,香港人唔係個個都鐘意。
《蒙面歌王》時同樣冒面既李克勤,就被香港人鬧到隻狗咁。
-----等等!先停落黎click入柳臣 fb page俾個like支持下,再繼續睇落去啦-----
柳臣雖然不時都有聽mc jin同李克勤既歌,但唔算特別鐘意。
我唔明既係,當初話李克勤蒙面上大陸攢錢自貶身價既人,今日又會唔會用番同樣既標準去鬧mc jin呢?
當然唔會啦,因為香港人根本唔介意你係hip hop man定歐陽靖定mc jin定李克勤定白棱鏡。

香港人幾時會支持自己人?就係當產生出「簡單敵人」既時候。
諗真啲,你睇到既熱潮,到底多數係屌鳩mc hot dog定係支持mc jin?
咩為之「簡單敵人」呢?無須要深入分析了解,有可以針對既部份。例如一句話,一個動作。
簡單講就係小學生嗌交:「喔!你講粗口!我話俾老師知!你死啦!你死啦!」大概係咁。
建立「簡單敵人」方便係一個急速既資訊環境之下傳訊。我可以短短兩三句將件事交待俾你聽,令你同仇敵愾起黎。

而咁做長遠而言既壞處,你睇而家香港就好明顯。所謂既對錯好飄忽,同一件事唔同時間可以有唔同既標準。
今日蒙面受人讚,聽日蒙面被人彈。你永遠唔知道咩係岩咩係錯,因為細緻既思考唔再被需要。每個人都急住要結論,只要你一開始就俾個答案佢:「你直接話俾我聽佢係好人定壞人啦!」
toolongnoread,tooslowweskip。人人都變得好似特別有立場,特別重視對錯。其實反而係無人在意對錯,因為冇人再去講得出對錯背後,其實有一樣好重要既野,叫「理由」。
香港變成一個賭場,人人都係度買大小,無論你押注在對或錯上,你都只是全憑運氣。就算你今次賭岩,下鋪依然可以一鋪清袋。
個個都賭運,你估個個都想賭運咩?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 譚諾軒
    譚諾軒 於 06/08/2017 評論 NO. 1

    Hip hop man is the best

快捷鍵:←
快捷鍵:→