《中秋の名月、下から見るか?横から見るか?》│中譯:月亮,應該和誰看?

柳絮 於 05/10/2017 發表 收藏文章
今年中秋好似無咩氣氛。
如果你呢個鐘數仲睇緊呢篇文,睇怕你都係同我一樣,留係屋企,唔知做咩好,訓教又太早。
唔知點解,今年中秋好似無咩中秋氣氛。往年都會約埋班朋友一齊出海旁玩吓聚吓。但係今年連出街應節既意欲都無。
望一望個月亮,係幾圓幾大既。但係每年既中秋好似都差唔多,每個月既滿月亦差無幾。
原來人大咗,慢慢就會對事情看得比較淡。對節日,對人,對感情都係一樣。隨時間愈沖愈淡,直至不再看它一眼。
即使難得早早約定,都總有一大堆藉口可以輕易推托。陪屋企人,陪女朋友,剛下班累了,身體不舒服。
說穿了,其實也就是沒有興致。

而家既我,係屋企無聊咁望出窗台,樓下公園卻是滿滿的人堆,有老有少一家人在公園玩燈籠,玩螢光棒,仲有好多我從來未玩過既飛天閃光彈弓,某幾個細路一拉一射,仿佛要效法后羿射日將月亮射落黎。
細個既時候,我中秋節都會同屋企人一齊落公園玩,玩咩已經唔係好記得。到大個之後,中秋節就變成一個朋友聚會既節日,做節食完飯之後就急急腳換衫沖出海旁見班兄弟。
中秋對好多人黎講亦係一個人月兩團圓既日子,同另一半好好咁賞月行街浪漫一番,可惜今日既我已經無咁既福份同另一半過。

由此想及,中秋節既意義對每個人都唔同。就好似每個地方睇到既雖然係同一個月亮,但卻又有所不同。
你今晚看到的,又是一個怎樣的月亮?
中秋の名月、下から見るか?横から見るか?
不妨係留言版貼上你而家頭上既月亮,睇下從唔同角度睇既月亮,有咩唔同。

祝大家中秋節快樂~

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • David Wong
    David Wong 於 05/10/2017 評論 NO. 1

    可沒有什麼月亮陪伴

快捷鍵:←
快捷鍵:→