[電影] Toy Story 胡迪同嘉比嘉比係同類,有冇人都咁覺得?

。愛看故事 於 27/07/2019 發表 收藏文章
上左咁耐先黎打文好似老土左少少,不過想短短地講下胡迪同嘉比嘉比呢兩個角色。


嘉比嘉比對我黎講係個典型奸角。一開始見到仲有幾個傀儡真係嚇到全身崩緊(20幾歲人都驚到咁),做既野為求目的不擇手段(見到佢D傀儡咁樣衰)。拎左胡迪既發聲盒之後,之後既情節原來係洋蔥黎。佢將自己最好既聲線獻比妮妮,唸住就會得到妮妮既青睞。當然,一把完美既聲線唔會令變得嘉比嘉比被需要,因為妮妮需要既唔係有完美聲線既嘉比嘉比。

其實胡迪又何嘗唔係不擇手段呢?好聽D講佢係擇善固執,但佢係完全忽略同伴既需要去成全自己,一樣係不擇手段。胡迪好努力幫小叉去令邦妮需要佢。就算胡迪係背後做幾多,邦妮都唔會需要胡迪。

其實佢地兩個,同我地好似。你會唔會都覺得自己就係差少少,差少少我就會被愛。點知到頭來先知道,就算做到幾好,你始終唔係對方需要嘅。朋友,也許心入面你已經經歷過好多好多,喊過無數次,依然未遇到願意愛自己既人。或者,唔緊要,請你繼續相信,無論你完唔完美,都會有人珍惜你。

//如若情路還未有花開 請繼續努力赤手開採//

如果喜歡我們的文章,請即分享到︰

標籤: Toy Story  電影  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→