大家對BALL ROOM嘅遊戲有幾多認識呢？
電流棒，相信好多人細個嘅時候都係電視、網上遊戲平台、遊戲機或者攤位遊戲入面玩過。大家都知，呢個係一個需要高度集中、專注嘅遊戲，每一個動作都要小心翼翼，希望唔好聽到「咇咇」聲，因為一咇就輸(慘呀！) 所以呢個遊戲真係超級刺激，輸得多唔甘心更加會慢慢上癮，想玩到完成整個電流路程為止！小編今日就同大家介紹一下BALL ROOM入面，呢個紅色發光嘅電流棒點玩啦！
呢個電流棒由起點到終點全長大概10米左右，途中要經過7個關卡先可以去到終點。而家就等小編介紹頭三關先啦!
第一關: 曲折小路
呢個係起點位之後第一關。望落好似好簡單，但千祈唔好睇小呢關，因為佢其實有好多角位，一個手震就好會掂到！去到轉彎位記得要拎住電流棒慢慢郁呀，唔好急。
第二關: 快速風車
轉完個大彎就會到達風車陣。想輕鬆行過三個風車，記得要喺中間個位等一等，最少要轉咗一條軸先過呀！配合風車旋轉嘅速度嚟郁就最安全喇J 唔好心急呀，除非你可以好鎮定同時又好快手啦！
第三關: 方磚拳擊轉完風車就嚟到第三關，方磚拳擊。喺呢關入面，有4個方磚，但係只有第二同第四個方磚會上下移動。所以要過呢關就要眼明手法啲，等到第二個方磚升番上去嗰陣就即刻向前行。去到第四個方磚時都一樣，等到第四個方磚升番上去嗰陣就即刻向前衝。
過左呢三關就以為自己好勁? 傻豬豬嚟嘅，後面先係戲肉呀! 唔洗擔心，小編會喺下星期三再同大家分享另外四個關卡點玩！很想要吧? 想要就記住繼續留意我地個blog喇! 下星期再見!
電流棒，相信好多人細個嘅時候都係電視、網上遊戲平台、遊戲機或者攤位遊戲入面玩過。大家都知，呢個係一個需要高度集中、專注嘅遊戲，每一個動作都要小心翼翼，希望唔好聽到「咇咇」聲，因為一咇就輸(慘呀！) 所以呢個遊戲真係超級刺激，輸得多唔甘心更加會慢慢上癮，想玩到完成整個電流路程為止！小編今日就同大家介紹一下BALL ROOM入面，呢個紅色發光嘅電流棒點玩啦！
呢個電流棒由起點到終點全長大概10米左右，途中要經過7個關卡先可以去到終點。而家就等小編介紹頭三關先啦!
第一關: 曲折小路
呢個係起點位之後第一關。望落好似好簡單，但千祈唔好睇小呢關，因為佢其實有好多角位，一個手震就好會掂到！去到轉彎位記得要拎住電流棒慢慢郁呀，唔好急。
第二關: 快速風車
轉完個大彎就會到達風車陣。想輕鬆行過三個風車，記得要喺中間個位等一等，最少要轉咗一條軸先過呀！配合風車旋轉嘅速度嚟郁就最安全喇J 唔好心急呀，除非你可以好鎮定同時又好快手啦！
第三關: 方磚拳擊轉完風車就嚟到第三關，方磚拳擊。喺呢關入面，有4個方磚，但係只有第二同第四個方磚會上下移動。所以要過呢關就要眼明手法啲，等到第二個方磚升番上去嗰陣就即刻向前行。去到第四個方磚時都一樣，等到第四個方磚升番上去嗰陣就即刻向前衝。
過左呢三關就以為自己好勁? 傻豬豬嚟嘅，後面先係戲肉呀! 唔洗擔心，小編會喺下星期三再同大家分享另外四個關卡點玩！很想要吧? 想要就記住繼續留意我地個blog喇! 下星期再見!
請按此登錄後留言。未成為會員? 立即註冊