周末好去處：觀塘按摩好地方

香港好多都市人成日腰酸背痛，坐office嘅對得電腦多又容易頸、膊頭痛，做服務業嘅企得多成日腳痛！但係平時要番工，想抽少少時間搵間平嘅按摩輕鬆下都難，番大陸又浪費時間！小編深深明白呢種無奈，所以今次就同大家介紹BALL ROOM附近嘅按摩好地方，下次嚟玩完可以去放鬆下！

1. 足薰堂
位於駱駝漆大廈一期嘅足薰堂，同喺10樓嘅BALL ROOM駱駝漆分店只係相差5層。呢到提供古法薰蒸足療同按摩，地方乾淨簡潔，仲有貓貓咕𠱸添！薰蒸足療有排毒消脂、消除疲勞之用，原理係利用蒸氣透過腳部傳導全身嚟刺激身體嘅循環系統，從而出汗排出毒素。依家夏天咁濕熱，蒸腳有助去體內濕氣，令個人無咁攰，皮膚都好啲添！

Facebook: 足薰堂 古法。薰蒸。足沐 @soulrelaxinghouse


2. 足輕鬆
第二間想介紹嘅足輕鬆，主要提供按摩、穴位推拿服務同埋古法足部藏藥薰蒸。雖然環境唔算好大，但好有家嘅感覺。番左全日工或者喺BALL ROOM玩完，上去輕鬆舒緩一下都係個唔錯嘅選擇。足輕鬆距離BALL ROOM都好近，喺APM附近，大概行5分鐘就到喇！聽聞呢到有位按摩高手蘭子，好多客人幫襯完都讚佢好夠力，手勢好好！

Facebook: 足輕鬆 Easy Enough @easyeno


3. Royal Spa & Beauty Club
最後呢間Royal Spa & Beauty Club，地方逾3000尺，仲同APM直通添。呢到駐店嘅按摩師傅都係泰國人，主打傳統泰式按摩、SPA及推油，每位客人按摩之前都可以飲杯茶放鬆身心先。如果唔趕時間，嚟BALL ROOM玩完臨搭地鐵番屋企之前，上去放鬆下，咁一日嘅活動就Perfect池喇。

Facebook: Royal Spa and Beauty Club @RoyalSpaandBeautyClub

唔知呢三間位於觀塘嘅按摩岩唔岩你呢？小編就諗住一放工即刻狗衝過去放鬆下喇！有興趣嘅朋友快啲過嚟BALL ROOM玩番轉之後再去試下啦！

(圖片Credit: 各Facebook)