爆紅就係差一個隊長 師傅加持推出 remix 版新歌

電視汁撈飯 於 10/09/2021 發表 收藏文章

早前ViuTV綜藝節目《七救星》其中一集邀請咗男子組合P1X3L作嘉賓。


同樣都係《全民造星》出身,《造星1》嘅Mirror、Error呢大半年16位成員相繼彈起,個個job接job,忙到無停手。不過由《造星2》參賽者吳啟洋(Phoebus)、歐鎮灝(George)同葉振弘(Marco)組成嘅組合P1X3L,唔好話認出3位成員分別叫咩名,連組合名大家都叫唔出。


正所謂:「唔怕生壞命,只怕改壞名。」七仙羽(七師傅)都話紅唔起全因改錯名!


得到七師傅賜名,OMG行出街都多人望咗(絕對唔關騎呢造型、古怪行徑事,應該係除非唔係)


幫人幫到底,節目中七師傅仲揾嚟歐國威(Travis)幫手,一齊創作OMG同名新歌。七師傅唔只幫手填詞,仲rap埋一份。

雖然節目播完,但師傅嘅愛絕對未完。


七師傅以觀音造型夥拍三子拍攝《Oh My 7 God(feat.七仙羽)─JNYBeatz Remix》MV。


得到師傅加持,成首歌即刻唔同7次,係唔同層次先啱。


雖然組合仍然會用P1X3L呢個名,但三子都話好歡迎大家叫佢哋OMG,仲話好親切添。

就算唔用師傅改嘅新名,師傅都無嬲豬,仲話無論佢哋叫Facial定Puzzle都好,師傅都咁愛佢哋,睇好佢哋爆紅。

無咩事,都係出去聽返首歌7次,淨化一下心靈先。

標籤: OMG  OM7G  P1X3L  七仙羽  七救星  7cfu  七師傅  吳啟洋  歐鎮灝  葉振弘  

留言


請按此登錄後留言。未成為會員? 立即註冊
    快捷鍵:←
    快捷鍵:→