8月TOP 10人氣藝人選舉 20強Mirror Error佔16席 精選

日前瓊姐娛樂台發起「8月TOP 10人氣藝人選舉」，呼籲網民提名，20強名單終於出爐。

名單一出，唔少網民以為係Mirror x Error人氣選舉。因為除咗邱士縉(Stanley)同王智德(Alton)，兩隊組合成員幾乎全員入圍，連團隊都係名單上。

能夠爭取到僅餘名額，MC、林家謙、張敬軒、七仙羽的人氣都不容睇少。


有網民提議不如組返隊「Terror」撼過，加埋7cfu嘅愛應該有機會 (駛唔駛念過咒先?)


亦有網民表示名單無阿儀唔夠說服力

選舉結果由網民經由瓊姐娛樂台IG Story投票選出，網民可對每位候選人獨立投票。計算方法不設票數倒扣制度，只計算選擇「✅」嘅票數，投選「SKIP」嘅票數不會於藝人嘅總票數中扣減。即係話，投晒20位候選人「✅」/「SKIP」都可以，但每個IG帳戶只限投票一次。
投票將會係9月7日下午一時結束，而結果就會係9月8日公佈。


雖然排名暫時未有得睇住，但截止凌晨三點，票數比例過60％嘅只有陳卓賢(Ian)、盧瀚霆(Anson Lo)、Mirror、姜濤以及呂爵安(Edan)，繼續由Mirror帶出。(票數比例不代表票數，最終結果或會有出入)
仲有最後10個鐘，選舉結果絕對可以由一眾粉絲改寫。