ViuTV綜藝節目《甜爺爺》邀請五位爺爺、公公同孫仔孫女演出，每集體現不同新事物。最新一集請嚟小薯茄嘅程人富同蔡曉童(童童)作嘉賓，同一眾爺孫大講笑話同唱歌。
介紹小薯茄時，節目剪輯咗團隊過往製作影片嘅畫面。呢個都係一般剪接嘅做法，但奇就奇在係咁key生啤落去遮住一位女Youtuber。
雖然嘉盈係FH Production HK嘅成員，但自四台聯播之後都不時同小薯茄合作。
如果係因為嘉盈唔係小薯茄成員所以要遮住佢，咁點解成個channel咁多條片唔揀，偏偏揀有嘉盈出鏡嘅片? (仲要比例幾高)
最好笑嘅係，條片唔係小薯茄channel出，係FH Production HK嘅channel出。
究竟純粹係剪接出錯，定背後有更大原因呢?
請按此登錄後留言。未成為會員? 立即註冊