即使只喺司機 每一個選擇都帶嚟唔同嘅後果

電視汁撈飯 於 10/04/2018 發表 收藏文章
同樣喺口碑、票房高企嘅韓國電影,比起以虛構喪屍為題材嘅屍殺列車(부산행),真人真事改嘅逆權司機(택시운전사)(台譯:我只是個計程車司機)多咗一份真實感。作為香港人,感受就更大。

電影以80年代嘅「光州事件」為背景。獨裁多年的總統朴正被暗殺後,各地開始有人爭取民主。5月17日全斗煥政府宣佈全國戒嚴之後,仍堅持到最後嘅就只有光州。軍政府以真槍實彈鎮壓示威者,同時封鎖光州,斷絕外界支援。

為咗賺快錢,作為首爾的士司機嘅故事主角車咗位德國記者去光州。因為光州嘅消息被封鎖,去到先發現原來當地有軍人駐守。基於一啲原因,兩人喺光州經歷畢生難忘嘅兩日一夜。
好深刻嘅一幕:有個學生揮住一面大白行出嚟,兩隻手除咗杆咩都無。條街上,仍然站立嘅就有佢,但幾步間,佢已身中多槍。有心,無意,觀眾自有判斷。

電影中,一群(光州)的士司機行到好前,甚至最後為咗令首爾嚟嘅兩人可以順利離開而自我犧牲。佢哋嘅原因好簡單:「因為我哋喺的士司機!」同樣喺的士司機,三年前......
關卡果位軍人,一定見到車尾箱嘅首爾車牌,明顯喺有心放行,所以佢都無舉槍追截。之後毫無疑問要面對上級嘅處分,但佢令光州嘅真相得以宣告。
每一個選擇都有佢嘅後果,選擇咗,就等於選擇埋佢嘅後果。「人左江湖,身不由己」永遠都喺(俾自己嘅)藉口。

最近為咗準備行程,上網查過光州嘅景點。見到一篇遊記話宜家嘅光州喺古蹟同生活並存嘅生活空間,並無留下光州事件嘅痕跡,連遊客中心嘅職員都唔建議去走訪果啲所謂嘅歷史場地。光州,喺外界嘅眼中,一直喺(韓國嘅)民主聖地,30年過後,當地人早已遺忘。3年後,喺我哋心入面,仲淨返啲咩?

圖片來源:電影宣傳照

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→