The Fall 魔幻旅程- 殘酷現實與夢幻故事中穿梭

The Art of Film 於 10/06/2015 發表 收藏文章
這次跟大家分享的是2006年的電影- The Fall (魔幻旅程)
咪走住.我知,我知道套戲成10年前吳係新戲呀嗎
Come on, 電影一向都不分新舊只分好壞而已
吳係既話, 你都吳會次次見到星期日下就一點鐘TBB播道地綠茶星期日影院播周星星同學同發哥套秋天的童話你都坐係到睇曬佢啦

電影講述男主角Roy (Lee Pace)是一位特技男演員. 在一次拍攝中發生意外,雙腿受傷了不能行動而需要入住醫院. 在那裡他遇上了一個一隻手受了傷的5歲小女孩 Alexandria (Catinca Untaru).

Roy以豐富的想像力根據醫院身邊的人和事(由同房病友, 醫院神父, 護士甚至自己的愛人和情敵) 編織了一個天馬行空的故事, 一個叫Alexandria著迷顏色豐富的異想世界. Roy以這個故事去哄Alexandria替他辦事. 慢慢二人發展出父女一般的親密關係.



這部電影很棒.

棒在Roy和Alexandria之間的感情和結局沒有過分的煽情的處理, 但足以令人十分感動

兩人都是因為掉到(Fall) 而受傷.
表面上看來只有Roy是身心受傷的, 但隨著故事的發展當側面道出Alexandria的身世, 你就會明白到小女孩的內心也受到極大的傷害, 只是她年紀雖小. 她自己還未有察覺出來.
他們兩個都是受了傷的人-Two broken people
在那個夏天, 那家醫院裡, 他們意外地找到能夠讓彼此依靠的人

故事最令我最深刻最感動的是電影兩人最後十分鐘的對手戲, Roy面對著一個與自己非親非故的小女孩為自己受傷後, 還一直哭求自己不要放棄自己, 一句She loves him, 要stand up時, 他們兩人都大哭起來
這幕戲十分震撼, Lee Pace和Catinca Untaru的表演都令人十分難忘, 十分真實.
在我看完電影後久久都未能夠釋懷

講講男主角- Lee Pace, 中文譯名李佩斯 (我從來未見過一個外國演員既中文譯名,有一刻會令我以為佢係台灣男演員) 有演技的靚仔一名

喜歡哈比人系列同魔戒系列的觀眾應該會對他很熟悉, 他就是Thranduil, Orlando Bloom飾演Legolas既老豆

據聞哈比人導演Peter Jackson在看過此電影後決定要搵李生 casting做Thranduil

(原來係同一個人黎, 李生你好, 我真係睇呢套戲既時候完全醒吳起係早已有一面之緣既你)


好, 我要做個告解.
我到今時今日都未睇過哈比人系列同魔戒系列既電影 (我都吳知點解)
所以當我Google李生既時候, 我都飽受驚嚇
因為, 我見到張相既時候.

我.竟.然.認.得.佢.

話說我在南半球生活時, 同屋室友係哈比人同魔戒fans
有一天, 我睡至中午, 懶洋洋地走到living room,
看見他們很興奮圍著部電視, 好奇的我沿在梳化邊坐下"你地係到搞緊咩?"
" 你起身啦?一齊睇哈比人呀!"

我記得我看到一個畫面, 一個好長白色頭髮既男人騎著隻鹿(好似係)用一個好Diva好妖既眼神望一望個鏡頭, 帶著班下屬擰轉身閃人, 當時的我心諗" 呢條友仔咩料呀, 想點樣呀, 個樣奇奇怪怪咁, 我都吳知你係到做咩"

接著, 我拋下一句" 岩岩起身未食野, 肚餓呀, 你地慢慢". 到我用一個華麗轉身步入厨房煮公仔麵.


好, 回到談電影本身.

顯然, 如此一部電影沒有使主角大紅大紫起來, 或是有豐厚可觀的票房
但這部電影絕對是Art. Pure Art.

而最後, 電影向了一群多年來容易被我們忽視的人致敬- 特技人員們, 替身們
沒錯, 若不然有他們的付出,不論古今中外,大概有很多經典電影都不能出現.
畢竟, 不是每個演員都有功夫底子出身能夠不用替身完成危險動作.
但最後,有幾多人會記起那些默默付出,用自己生命來冒險完成電影的特技人員們

所以如小女孩的話, Thank you, Thank you very much.

為了方便更新,現加開了FB Blog專頁,有興趣的朋友可以Like
www.facebook.com/theartoffilms

*All images are copyright to their respective owners owners

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→