當我以為自己係「無証騎士」,其實我連嗰個驚到瀨尿嘅C級英雄都唔係!

動筆動畫化 於 31/05/2017 發表 收藏文章

有無人記得中間嗰個C級英雄呢?則邊有個都係!

本來都唔想再借「無証騎士」嚟講,不過今個星期日晚又出返佢呢集,為咗稿費都要靠佢搏一搏。

坊間已經好多人討論過佢(呢到都有),不過又有人幾多人覺得我就係「無証騎士」?定係覺得我係避難所見到深海王已經驚到瀨尿嘅嗰個C級英雄?佢都有作戰到底架!有無人可以支持下佢?

不過老實講,你唔維基一下,可能連有個咁嘅人都唔記得添啦!包括我在內⋯⋯但都唔緊要,佢都係個認可嘅英雄先啦⋯⋯

我覺得自己係最灰個情況,連英雄考試都Pass唔到嘅普通市民。諗返轉頭點解無証騎士都Pass到個考試?個答案都係一種深層次嘅諷刺。

網絡寫作人 — 既沒有文學的恩賜、在網上又得不到任何收益,是否為興趣、為夢想而付出,便可以無條件起寫數十萬字來搏Like?

如果我係琦玉我唔介意,因為我可以大大聲咁講懷才不遇⋯⋯但我就連無証騎士都唔係,只可以好似啲觀眾咁企係則邊食花生,咁我又唔係好崇拜佢地呢班英雄,做咩要變咗佢地Fans咁呢?但唔做臨記,好似連個無名嘅C級英雄都唔係,英雄協會又係會除你名。

我諗呢一點係我自己比較喜歡一拳超人嘅原因,特別係琦玉狠鬧班市民個Part,雖然係講緊嘅唔係我呢個層次可以講嘅感受(有人因為我無咁嘅身份同資格去講呢類說話,話我咁講太串),但就係我一直都唔明嘅嘢。

我想做英雄即⋯⋯我明知自己係英雄學院訓練完出到嚟係無得撈嘅,又無朋友去支持,我點敢訓身做英雄呀?宜家為興趣做副業都仲要比人莫視?呢個世界係咪咁黑人憎?

我承認我係個正能量,但今晚都訓唔著,所以先借一拳超人嚟發洩一下。

(第二朝得閒開電腦先補返啲相,現實中太多嘢做⋯⋯)

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→