【幕後玩家】見到預告顧復生病發一幕，原來又係一部爭產劇.... 精選

觀眾有興趣繼續追看【幕後玩家】既原因係對公關呢個行業既新鮮感，因為貼地。公關行業要入職至少唔係登天咁難。(或者係3位男主既吸引力)
但爭家產，有幾多人屋企有得爭？有得爭既又會唔會睇無線？

睇番監製陳維冠，有不少出色熱門編導作品，例如：刑事偵緝檔案，創世紀，學警系列同怒火街頭１等等。
可惜近年監製的劇集都有虎頭蛇尾的現象，怒火２，衝上２和近期的彊。以上每套係劇集開播首一，二星期都帶出不少熱門話題，但中後段缺乏張力，陳腔濫調。
扼殺左劇集開頭既努力。
【幕後玩家】開播至今，係難得靠一眾小生生旦出色演技拯救左平凡既劇情。步入高潮後，主要劇情會落在黃宗澤同黃翠如身上，點樣利用TED去爭復生集團將會係故事既主軸。其實TVB從糖心風暴開始就更加主打爭產劇，但往往都後繼無力，例如名門暗戰到皮不到肉既劇情等等。
希望【幕後】可以做出不一樣既結局，至少都唔好ＢＢＱ收場！