「點解你唔呃我一世呀!」龔嘉欣喊出代表作【幕後玩家】

一直以黎龔嘉欣都係飾演一些女配角同第三者角色,已被定型為TVB御用小三。
而係【幕後玩家】入面,每次出場都有少少格格不入,可能大家都睇佢唔慣扮乖乖人妻既角色。
但琴晚一連三場,由EMMA搵CARMEN攤牌,上演一幕大婆怒摑情婦。當時心情依然處於半信半疑既情況,未有太多內心戲,但已經帶動左觀眾情緒開始醞釀。
再黎係公園遇到最值得信任TIM少,得知真有此事時,竟然係一路既內心自責,一直問「自己究竟做錯什麼?」,得到如斯田地。係呢個時間依然保持顧住頭家既想法,完全能演繹到一個完美老婆既想法同做法。
最後面對出軌既Sheldon,塵埃落定。希望從來無發生過,想繼續呃自己。真相往往傷害人最深,呃一世,未嘗唔係一件壞事。
做女人太好,太放手,到頭來害死自己。男人永遠唔知足,十個男人九個混,定律黎。兩人要係中間搵到平衡,好似放風箏咁,識放識收,先能夠走到最後!

其實近年TVB都有一幕喊戲印象深刻,就係使徙行者入面,釘姐連死3個阿媽果一幕,依然記憶猶新。難度在於係一場戲入面三個唔同層次既演繹,傷心到絕望。亦都讚嘆阿余既演技,連在場工作人員都嘆為觀止!

如果喜歡我們的文章,請即分享到︰

標籤: 幕後玩家  龔家欣  歸洛  

留言


請按此登錄後留言。未成為會員? 立即註冊
    快捷鍵:←
    快捷鍵:→