「唔想比人呃一世?」從男人角度教你五招,如何防止第三者出現

所謂事出必有因,問題永遠唔會因為單方面而發生,而家就教下你如何可以防止【第三者】既出現。

TOP1:保持最佳狀態

眼見好多女仔/女人,係拍拖頭一年或半年都會悉心打扮,可惜當戀情穩定後就開始懶惰,唔好話唔襯衫,誇張D連妝都唔化。記住:女為悅己者容!
TOP2:做好女人唔等於做蠢女人
扮傻同傻係有好大分別,識得走位。係有需要場合時抬高下男友,屋企幾巴辣都好,要識扮下小鳥依人。男人係好天真,你當佢皇帝咁拜,佢亦都當你皇后咁鍚!

TOP3:新鮮感

黃子華講過女人要男人保鮮,男人最想女人新鮮。不時換下形象,轉不同風格。盡量唔好比男友估到你諗咩,就連發脾氣都要唔同方法,唔可以比佢做同一招氹番自己!
TOP4:堅持
堅持男友送你返屋企,就算唔送到屋企都至少送去搭車。千萬唔好一個人離開或上男友屋企,咁樣會比佢覺得你唔矜貴,可以呼之則來 揮之則去。
要接要送,切記!

TOP5:自由度

自由唔係放肆,男人去應酬係正常。但要定下規則,例如時間,應承左幾點返屋企就要對方做到。但都比少少‘走棧位’,等對方覺得你有為佢著想。追魂CALL。盡可能唔好打,要打都唔可以明刀明槍話要男友即刻返屋企,要諗藉口。
最後搵機會認識男友既死黨同知己,所謂知己知彼,百戰百勝。有咩事都有線人睇住呀嘛!
後話:好多人都會諗點解自己要做咁多野討好個衰佬,其實拍拖或婚姻都係一場戰爭,大家都各出奇謀令對方更愛自己付出更多係自己身上。你話咁諗咪好Cheap?

古語有云:錢係萬惡,咪又要去賺;紅顏禍水,咪又要去滾!

值唔值得咁做就得你自己先知喇!

https://www.facebook.com/backtonormal17/
標籤: 第三者  教學  歸洛  

留言


請按此登錄後留言。未成為會員? 立即註冊
    快捷鍵:←
    快捷鍵:→